اسلام آباد۔9نومبر (اے پی پی):بنجاھی تہی کارانی وزیر محسن نقوی ءَ گشتگ کہ بے گناہیں مردم آناں نشانگ جوڑ کنگ ءِ ذمہ واریں ناشرکار ہچ وڑیں رعایت ءِ مستحق نہ انت ما یکجاھی ءَ پاکستان ءِ ھلاپ ءَ اے زھرناکیں سازش ءَ را ھلاس کنیں۔ شمبے ءِ روچ ءَ وزارت تہی کارانی نیمگ ءَ جاڑی بوتگیں بیان ءِ تہ ءَ محسن نقوی ءَ کوئٹہ ءِ تراک ءَ را سک مذمت کتگ ءُ راج ءَ چہ ناشرکاری ءِ ھلاپ ءَ یکجائی ءِ اپیل کتگ۔ وزیر تہی کار محسن نقوی ءَ شمبے ءِ روچ ءَ کوئٹہ ریلوے اسٹیشن ءِ نزیک ءَ بوتگیں تراک ءِ سک باز مذمت کتگ ءُ جانی تاوان ءِ سر ءَ سک باز رنج ءُ گم ءِ درشانی کتگ آئی ءَ ترندیں جان سلامتی ءِ دعا ھم کتگ کہ بے گناھیں مردم آناں نشانگ جوڑ کنگ ءِ ذمہ واریں ناشرکار ھچ وڑیں رد ءُ بند ءِ مستحق نہ اَنت۔ حکومت ءِ ایشانی انصاف ءِ دیم ءَ آرگ ءِ جزم آئی ءَ گیش کت کہ اے وڑیں زھرناکیں کارانی واستہ مذمت کنگ بس نہ اِنت۔ وزیر تہی کار ءَ ملک ءِ استحکام ءِ ھاترا ھترہ آناں چہ دیم ءَ رؤگ ءِ ھاترا راجی یکوئی ءِ ضلورت ءِ سر ءَ زور پر دات ءُ اے وئیل ءَ را آشوب ءِ بُن ءِ بوھگ ءِ بزدلیں کوشست لیکگ ءَ محسن نقوی ءَ الس ءَ را دل یکیمی دات کہ راج اے بد نیتی ءِ کوشست آنی ھلاپ ءَ جنگ کنت۔ اے گرانیں وھد ءَ آماچیں ھاندان آنی گوما یکوئی ءِ پدر کنگ ءَ گوشت کہ ما یکجاھی ءَ پاکستان ءِ ھلاپ ءَ اے زھرناکیں پندل آناں ڈگار ءَ جناں۔
