اسلام آباد۔9نومبر (اے پی پی):بنجاھی وزیر برائے بحریہ قیصر احمد شیخ ءَ گشتگ کہ آ ملک ءَ امن ءُ ایمنی ءَ را ھراب کنوکیں عناصر ءِ ھلاسی ءَ را دل یکیمی کن انت، بنجاھی حکومت ءُ بلوچستان حکومت زوت سرجمیں ناشرکاریں عناصر ءَ را سر کن انت۔ انصاف. شمبے ءِ روچ ءَ وزارت بحری امور ءِ نیمگ ءَ جاڑی بوتگیں بیان ءِ تہ ءَ بنجاھی وزیر بحری امور قیصر احمد شیخ ءَ کوئٹہ ریلوے اسٹیشن ءَ بوتگیں تراک ءَ را سک باز مذمت کتگ ءُ گشتگ کہ تراک ءَ شہید بوتگیں مردمانی کھول ءِ غم ءَ شریک آں ۔ قیصر احمد شیخ ءَ گشتگ کہ بنجاھی حکومت ءُ بلوچستان حکومت ءِ نیمگا چہ ٹپیگاں ہر ممکنیں کمک کنگ بیت۔ آئی ءَ گوشت کہ ملک ءَ امن ءُ ایمنی ءَ را پریشان کنوکیں عناصر آنی ھلاسی ءَ را دل یکیمی کنگ ءِ گوما بلوچستان ءِ امن ءَ را پریشان کنوکیں پندل ءَ را ھم بے سوب کن اَنت۔ بنجاھی وزیر قیصر احمد شیخ ءَ گشتگ کہ اقبال ڈے ءِ موہ ءَ اے غمناکیں وئیل ءِ سبب ءَ ملک ءِ دژمنانی ایجنڈا گیش پدر بوتگ انت، کانود نافذ کنوکیں ادارہانی حوصلہ برز انت، بنجاھی حکومت ءُ بلوچستان حکومت زوت دراہیں ناشرکاریں عناصراں انصاف ءِ دیم ءَ آرگ ءِ ارادہ کنت۔
