اسلام آباد۔8نومبر (اے پی پی): مزن وزیر شہباز شریف ءَ پاکستان ءِ کرکٹ ٹیم ءَ را آسٹریلیا ءِ ھلاپ ءَ ون روچی میچ ءَ سوبمندی ءِ پد ءَ مبارک بات داتگ ءُ یک دگہ غیر معمولی میچ ءَ سوبمندی ءِ پد ءَ مبارک بات داتگ۔ ما زانتگ اَت کہ تو اے کار ءَ کُت کن ئے۔ جمعہ ءِ روچ ءَ مزن وزیر ءَ سوشل میڈیا ایکس ءِ سر ءَ وتی پوسٹ ءِ تہ ءَ گوشت کہ آسٹریلیا ءِ ھلاپ ءَ جوانیں سوبمندی ءِ واستہ مارا وتی کرکٹ ٹیم ءِ سر ءَ فخر اِنت۔ آئی ءَ گوشت کہ سوبمندی ءِ پُشت ءَ چیئرمین پی سی بی محسن نقوی ءُ سرجمیں ٹیم ءِ مزنیں کوشست انت۔ مزن وزیر ءَ کپتان محمد رضوان ءَ را میچ ءِ ساھت ءَ 6 کیچ زورگ ءِ گوما ٹیم ءِ سروکی ءِ سر ءَ مبارکی دات، سعیم ایوب ءَ 82رنز ءُ حارث رؤف ءَ 5 وکٹ گپت۔ مزن وزیر محمد شہباز شریف ءَ گوشت کہ مئے ٹیم ءِ حوصلہ برز انت وتی ملک ءِ نام ءَ چراگ ءَ بہ دار ات۔
