اسلام آباد۔8نومبر (اے پی پی): ایسوسی ایٹڈ پریس آف پاکستان ءُ یونیورسٹی آف سرگودھا ءِ نیامءَ شعبہ کمیونیکیشن اینڈ میڈیا اسٹڈیزءِ نودربرآناں انٹرشپ ءِ موہ دئیگ، نیوز رائٹنگ ، رپورٹنگ ءُ صحافتءِ بازیں تک ءُ پھناتاں ھیل کاری کنائینگ ءِ ھاترءَ مفاہمت ءِ یات گیری آنی سرءَ دستخط کنگ بوتگ۔ ایم او یو ءِ سرءَ اے پی پی ءِ منیجنگ ڈائریکٹر محمد عاصم کھچی ءُ سرگودھا یونیورسٹی ءِ وائس چانسلر ملک قیصر عباس ءَ برجم داشتگیں دیوان ءَ دستخط کتگ۔ اے موہ ء َ پرو وائس چانسلر پروفیسر ڈاکٹر میاں غلام یاسین، شعبہ کمیونیکیشن اینڈ میڈیا سٹڈیزءِ چیئرپرسن ڈاکٹر مدثر حسین شاہ ءُ نودربرآنی مزنیں کساسے ساڑی بوتگ۔ منءُ گرءِ ردءَ سرکاری حال رسانکی ادارگ( ا ے پی پی ) کمیونیکیشن اینڈ میڈیا اسٹڈیز ڈیپارٹمنٹ ءِ نودربرآناں موہ دنت ءُ آیاں رپورٹنگ ءِ ھیل دنت۔ اے پی پی یوایس ٹی وی ءُ وی او وی ایف ایم 98.2 ءَ را وتی نیوز مراگشانی تہا کمک دئیگ ءِ ھاترءَ وتی نیوز کریڈءَ تاں حاسیں رسانکی دنت۔ ایشی ءَ ابید دوئیں راہشون یکجاہ ھیل کاری ورکشاپ ءُ میڈیاءِ ہوالگءَ ایندگہ سُرءُ پُرآں بُگیج کناں۔ مراگش ءَ گوں گشتانک دیان ءَ ایم ڈی (اے پی پی) محمد عاصم کھچی ءَ گوشت کہ اےایم او یو ءَ چہ اکیڈمک زانت ءُ میڈیا پریکٹسز ءِ نیام ءَ تپاوتءَ ہلاس کنگ بیت۔
اے میڈیا ءِ نودربراں صحافت ءِ تہا برتری ءِ ھاتر ءَ المی مہارتاں گوں لیس کنت، آہاں مقابلہ ءِ میڈیا ءِ زمین ءِ تہا برتری دنت۔ آئی ءَ گیش گوشت کہ اے وڑیں شریکداری یک جوانیں ءُ پیشہ وارانہ تربیت یافتہ کارکن ءِ دیمروئی ءِ واستہ المی انت کہ آ چاگرد ءِ واستہ بامردیں رنگ ءَ کمک کت کنت۔عاصم کھچی ءَ میڈیا ءَ بوھوکیں مٹءُ بدلی آنی سرءَ چمشانک داتگ۔ آئی ءَ گوشت کہ ڈیجیٹل میڈیا مئے ھال آناں تیار کنگءَ نوکیں رپکے دئیگءَ مرچیگیں اھوالکار آنی واستہ موہ ءُ چیلنج دوئیں پیداک کنگ ءَ اِنت، آئی ءَ گوشت کہ ڈیجیٹل میڈیا ءِ نیمگ ءَ رھادگ بوھگ ءِ واستہ چاروکانی ھمگرنچی، تکنیکی مہارت ءُ گیش بوھوکیں لوٹ آنی سر ءَ گہتریں سرپدی ءِ ضلورت اِنت۔ ، اے گپ ءِ گیش کنگ ءَ کہ اےایم او یو ءِ رد ءَ نودربر اے انوگیں چاگردءِ لوٹءِ ردءَ تیار بنت ءُ آؤکیں وھد ءِ رسانکدر ءِ پیشہ ور جوڑ بوھگ ءِ واستہ وت واک بنت۔اے موہ ءِ سر ءَ وائس چانسلر پروفیسر قیصر عباس ءَ سر کاری حال رسانکی ادارگ(اے پی پی) ءُ محکمہ رسانکدر ءِ نیام ءَ تربیتی معاہدہ ءَ را وش اتک کت۔ آئی ءَ گوشت کہ اے وڑیں منوگری یک ءِ دومی ءِ تجربت آناں پجارینگ ءَ ھاسیں کرد پیلو کن اَنت آئی ءَ گوشت کہ “اے پی پی” نا ایوک ءَ ملک ءَ بلکینگ ءَ سرجمیں دگنیا ءَ جوانیں کرد پیلو کنگ ءَ اِنت۔ آئی ءَ یونیورسٹی ءِ نودربر آناں وانگ ءِ موہ پجارینگ ءِ واستہ ایم ڈی اے پی پی محمد عاصم کھچی ءِ منت گپت اے موہ ءِ سر ءَ ایسوسی ایٹڈ پریس آف پاکستان ءِ اسٹیشن انچارج مخدوم شاہ لطیف، اے پی پی ایمپلائز یونین اسلام آباد ءِ صدر خظر زمان ملک ایم ڈی ءِ سیکرٹری ملک سلیم اعوان، اے پی پی ایمپلائزیونین ءِ جنرل سیکرٹری ملک ندیم حسین، اے پی پی پینل ءِ صحافی اطہرندیم، رانا محمد وقاص ، تنویر احمد قریشی ہم ساڑی بوتگ اَنت۔
