اسلام آباد۔7نومبر (اے پی پی): مزن وزیر محمد شہباز شریف ءَ گوشت کہ پاکستان نیپال ءِ گوما وتی دوستی ءِ سیادی ءَ را ارزشت دنت، دوئیں ملک آنی نیام ءَ ھاسیں رنگ ءَ تجارت ءُ سرمایہ کاری ءِ تہ ءَ گیشی ءِ ضلورت اِنت۔ پنچ شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ پاکستان ءَ نیپال ءِ درکپوکیں سفیر تاپاس ادھیکاری ءَ مزن وزیر محمد شہباز شریف ءَ آئی ءَ گوں گڈ بائی کت۔ مزن وزیر ءَ گوشت کہ پاکستان نیپال ءِ گوما وتی دوستی ءِ سیادی ءَ را ارزشت دنت۔ مزن وزیر ءَ اے سال ءِ ستمبر ءَ نیویارک ءَ اقوام متحدہ ءِ جنرل اسمبلی ءِ ساھت ءَ نیپالی مزن وزیر کے پی شرما اولی ءِ گوما گند ءُ نند ءِ حوالہ ءَ دوئیں ملک آنی نیام ءَ دو نیمگی کمک ءَ را گیش کنگ ءِ ضلورت ءِ سر ءَ گپ جت، ھاسیں رنگ ءَ تجارت ءُ سرمایہ کاری ءِ سر ءَ زور پر دات۔ . مزن وزیر ءَ پاکستان ءُ نیپال ءِ نیام ءَ دو نیمگی سیادی ءَ را مھکم کنگ ءِ واستہ سفیر ادھیکاری ءِ کوشست آناں ساڑات ءُ دوئیں ملک آنی نیام ءَ مردم آنی نیام ءَ مردم آنی رابطہ ءُ دود ءُ ربیدگی مٹ ءُ بدلی ءَ را دیمروئی دیگ ءَ آئی ءِ کرد ءَ را ساڑات۔ سفیر ادھیکاری ءَ مزن وزیر شہباز شریف ءِ سروکی ءَ پاکستان ءِ دیمروئی ءَ را ساڑات ءُ پاکستان ءَ وتی سفارتی دور ءَ آئی ءَ را داتگیں کمک ءِ پد ءَ آئی ءِ شگر ءُ منت گپت۔ مزن وزیر ءَ جنوبی ایشیا ءِ الس ءِ امن ءُ ایمنی ءِ واستہ دمگی کمک ءَ را گیش کنگ ءِ ضلورت ءِ سر ءَ زور پر دات۔
