اسلام آباد۔7نومبر (اے پی پی): مزن وزیر محمد شہباز شریف ءَ محمد آصف ءَ را دوحہ ءَ میاں اوستمانی بلیئرڈ اینڈ ورلڈ اسنوکر فیڈریشن چیمپئن شپ ءِ سوبمندی ءِ سر ءَ مبارک بات داتگ ءُ گوشت کہ پاکستان ءِ باصلاحیتیں ورنا لیب کنوک آنی تہ ءَ ھوار انت۔ . پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ محمد آصف ءَ سیمی رند ءَ میاں اوستمانی چیمپئن شپ ءَ سوبمند بوھگ ءَ سرجمیں راج ءَ را سرخری کتگ۔ محمد آصف ءِ کھول ءُ آئی ءِ کوچ ھم اے سوبمندی ءِ ھاترا مبارک بات ءِ مستحق انت۔ محمد آصف ءَ شپ ءُ روچ محنت کتگ ءُ ورلڈ چیمپئن شپ ءِ سوبمندی زرتگ کہ ایشی ءِ ھاتر ءَ آ ستا ءِ مستحق اِنت۔ مزن وزیر ءَ گوشت کہ پاکستان ءِ باصلاحیتیں ورنا لیب ءُ گوازی ءِ پڑ ءَ پاکستان ءِ نام ءَ چمکگ ءَ انت۔ حکومت ھرچ وڑیں کوشست کنگ ءَ اِنت کہ کھڈکار آناں جھان ءِ درجہ ءِ آسراتی بہ دنت۔ حکومت ءِ اولی ترجی انت کہ آ لیبی آناں میاں اوستمانی مقابلہانی تیاری ءِ ھاترا جوانیں آسراتی بہ دنت۔
