مزن وزیر شہباز شریف ءَ غذر  ءِ سیلاب ءِ آماچیں مردم آنی واستہ بوبر ماڈل ویلیج ءِ بنگیج کت، آئی ءَ را درستیں المی ئیں آسراتی آناں پجارینگ ءِ  پنت ءُ شون

غذر۔6نومبر  (اے پی پی): مزن وزیر محمد شہباز شریف ءَ پنت ءُ شون   کتگ کہ  ضلع غزور ءِ بوبر ءِ میتگ ءَ سیلاب ءِ آماچیں مردماں درستیں المی ئیں آسراتی پجارینگ بہ بنت۔ .مزن وزیر ءَ نوکیں ماڈل میتگ ءِ بنگیج ءُ  نوک جوڑ بوتگیں لوگ آنی ملکیت ءِ کاگد آماچیں  مردم آناں   دیگ ءِ مراگش ءَ گوں تران کنان ءَ گوشت کہ من اگست 2022 ءَ ادا اتکگ آں کہ اودا سیلاب ءَ پد ہر جاگہ ​​ءَ تباہی ءِ ندارگ گندگ بوتگ انت۔ آب و ہوا ءِ بدلی ءِ آسر ءَ تباہ کنوکیں سیلاب ءُ ھور اں  سرجمیں میتگ زمین ءَ چہ کش اتگ اتنت۔ مروچی ادا یک نوکیں آبادی یے جوڑ کنگ بوتگ۔ ایشانی لوگانی ملکیت ءِ کاگد آماچیں ھانداناں دیگ بوتگ انت۔ مزن وزیر ءَ زیان آماچیں مردم آنی بحالی، آبادکاری ءُ  نوک جوڑیشت ءِ واستہ سیادی داروکیں ادارگ ءُ  واکدار آناں ساڑات ءُ  پنت ءُ شون   کت کہ نوک جوڑ بوتگیں گس زمستان ءَ نندگ ءِ لائک جوڑ کنگ ءِ واستہ بندوبست کنگ بہ بیت۔ ماڈل ویلیج ءِ کوالٹی ءِ چکاسگ ءِ ھاتر ءَ ھچ وڑیں ادائیگی چہ سیمی مردم ءَ چہ تصدیق کنگ مہ بیت ءُ  اسکول، ڈسپنسری ءُ  گوازی ءِ میدان ءَ ھوار درستیں المی ئیں آسراتی ءِ ھاتر ءَ دیم ءَ آرگ بہ بیت۔ مزن وزیر ءَ  ڈسپینسری ءَ  الٹراساؤنڈ، ایکسرے ءُ  چک ءَ چہ دراھ بوھگ ءَ  ھوار دراھیں ضلورت ءِ  آسراتی ءِ  ترندی ءَ  پجارینگ ءِ  ھم پنت ءُ شون   کتگ۔ مزن وزیر ءَ گوشت کہ آئی ءَ سیلاب ءَ چہ آماچیں جنک قندیل ءِ واستہ 50لکھ کلدار ءِ وقف فنڈ ءِ جار جتگ، مرچی آ فنڈ 67لکھ ءَ سر بوتگ۔ مزن وزیر ءَ آہانی گس آنی الاٹمنٹ لیٹر آماچیں  مردم آناں بھر ءُ بانگ کتگ انت۔ ایشی ءَ چہ پیسر مزن وزیر ءَ بوبر ماڈل ویلیج ءِ بنگیج کت۔ اے موہ ءِ سر ءَ مزن وزیر ءَ را نوک جوڑ بوتگیں گس آنی تہ ءَ پجاری بوتگیں آسراتی ءُ  کوالٹی ءِ بابت ءَ سرپد کت۔ اے ماڈل میتگ 110 کنال زمین ءِ سرا جوڑ کنگ بوتگ کہ ایشی ءِ تہا 62 لوگ انت۔ مزن وزیر ءَ را گوشگ بوت کہ 216کلومیٹر گلگت شندور شاہراہ ھم جوڑ کنگ بوھگ ءَ انت۔ مزن وزیر ءَ  اے منصوبگ ءِ  سر ءَ  کار ءَ  را ترند کنگ ءِ  پنت ءُ شون   کت۔ ایشی ءَ چہ پیسر گلگت بلتستان ءِ سر وزیر حاجی گلبار خان ءَ مزن وزیر محمد شہباز شریف ءُ  بنجاھی  حکومت ءِ منت گپت کہ آہاں گلگت بلتستان ءِ الس ءَ را مشکل ءُ  آزمائش ءِ ساھت ءَ کمک کتگ۔ اے موہ ءِ سر ءَ بنجاھی  وزیر ءُ پارلیمنٹ ءِ باسک ھم   ساڑی اتنت۔