گورنر گلگت بلتستان سید مہدی شاہ ءُ سر وزیر گلبر  خان ءَ گوں مزن وزیر شہباز شریف  ءِ  گند ءُ نند

گلگت ۔6نومبر  (اے پی پی): گلگت بلتستان ءِ گورنر سید مہدی شاہ ءُ بنجاھی وزیر گلگت بلتستان گلبر خان ءَ گوں مزن وزیر محمد شہباز شریف ءَ جتا جتا گند ءُ نند کتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ  نند ءَ گلگت بلتستان ءِ جیڈھ آنی سر ءَ گپ ءُ  تران بوتگ۔ گلگت بلتستان ءِ گورنر ءُ سر وزیر ءَ مزن وزیر ءَ را ملک ءَ انوگیں اقتصادی برجائی ءِ واستہ خراج تحسین پیش کت۔ دوئیں رہشوناں مزن وزیر ءِ منت گپت کہ آئی ءَ گلگت بلتستان ءَ بازیں دیمروئی منصوبگ آنی بُن ھشت ایر کنگ ءُ  بنگیج کتگ۔ اے موہ ءِ سر ءَ مزن وزیر ءَ ہدایت کت کہ گلگت بلتستان ءِ مہلوک ءِ گہبود ءِ واستہ زوتاں چہ زوت اے دیمروئی منصوبگ آنی سرجمی ءَ را دل یکیمی کنگ بیت۔ مزن وزیر ءَ گوشت کہ بنجاھی  حکومت گلگت بلتستان ءِ الس ءِ دیمروئی، وشھالی ءُ  وشھالی ءِ واستہ سرگرمیں رنگ ءَ کار کنگ ءَ انت۔ گلگت بلتستان ءِ سر وزیر ءَ مزن وزیر ءَ را روایتی جامگ ءُ کلاہ پیش کتگ۔