اقوام متحدہ ءِ ریزیڈنٹ کوآرڈینیٹر محمد یحییٰ ءِ گوں بنجاھی   وزیر ءِ میری ٹائم قیصر احمد شیخ ءَ گند ءُ نند اقوام متحدہ ءُ آئی ءِ چیر دستی ءِ ادارگ آنی پاکستان ءَ ھاسیں کرد انت

اسلام آباد۔5نومبر  (اے پی پی):بنجاھی   وزیر بحریہ قیصر احمد شیخ ءَ گوشت کہ پاکستان ءَ اقوام متحدہ ءُ    ایشی ءِ چیر دستی ءِ اڈار گ آنی ھاسیں کرد است انت۔ اے موہ ءِ سر ءَ بین الاقوامی لیبر آرگنائزیشن ءِ نمائندہ گیر ٹونسٹول ھم ساڑی ات۔ قیصر احمد شیخ ءَ دوئیں مہمان آناں وزارت بحریہ ءَ وش آتک کت۔ بندات ءَ میری ٹائم سیکٹر ءِ ھوالگ ءَ گپ ءُ    تران کنگ بوتگ۔ بنجاھی   وزیر ءَ گوشت کہ پاکستان ءِ میری ٹائم شوبگ ءِ جیڈھ آناں گیواری ءِ واستہ اقوام متحدہ ءِ میاں اوستمانی میری ٹائم آرگنائزیشن ءُ    وزارت میری ٹائم امور یکجائی ءَ کار کنگ ءَ انت۔ آئی ءَ گیش گوشت کہ اے درگت ءَ ستمبر ءَ ما انٹرنیشنل میری ٹائم کانفرنس ءِ برجم داشتگ ات ایشی ءِ تہ ءَ میاں اوستمانی میری ٹائم آرگنائزیشن ءِ سیکرٹری جنرل ءَ بھر زرتگ ات ءُ    میری ٹائم انڈسٹری ءِ گہتری ءِ واستہ یک ھاسیں گپ ءُ    تران بوتگ ات بنجاھی   وزیر ءَ گیش کت کہ پاکستان ءِ میری ٹائم انڈسٹری ءِ بابت ءَ گپ ءُ    تران بوتگ۔ اقوام متحدہ ءِ دیمروئی پروگرام آنی چیر دستی ءَ پائیڈار  دیمروئی ءِ مول ءُ    مراد آنی سر ءَ سر بوھگ ءِ واستہ یک چاگرد دوستیں ماڈل ءِ تہ ءَ بدل بوھگ ءَ اِنت۔ قیصر احمد شیخ ءَ گوشت کہ ایشی ءِ واستہ ما آبی زراعت ءُ    ہائبرڈ جہاز ءُ    روٹ ءِ اصلاح ءُ    ڈیجیٹلائزیشن ءِ سر ءَ دلگوشی دیگ ءَ ایں ۔ آئی ءَ گیش گوشت کہ بنجاھی   حکومت ءُ    درستیں صوبائی حکومت ایس ڈی جیز ءِ سر ءَ دلگوشی دیگ ءَ اَنت پرچا کہ مارا سموگ ءُ    ایندگر وڑیں آلودگی ءِ آماچ بوھگ ءَ اِنت ءُ   ما وتی ھوا ءِ کوالٹی ءِ انڈیکس ءَ را گہتر کنگ ءِ واستہ سک باز کوشست کنگ ءَ ایں ھک آنی بابت ءَ گپ جنان ءَ وزیر ءَ گوشت کہ حکومت کار کنگ ءَ اِنت۔ مزدور آمیدگساں مھکم کنگ ءِ ھاترا۔ آئی ءَ گیش گوشت کہ میری ٹائم وزارت ءَ ھوار درستیں بنجاھی   وزارت وتی کنٹریکٹ ءِ کارندہ ءُ    روچ ءِ اجرت ءِ کارمند آناں ٹھینگ بوتگیں میاں اوستمانی معیار ءِ رد ءَ زرّ دیگ ءَ اَنت۔ قیصر احمد شیخ ءَ من اِت کہ یک دیمروئی کنوکیں ملکے ءِ بستار ءَ مئے تہ ءَ کارگر ءِ ھک ءِ لھتیں جیڈھ ھست اَنت۔ آئی ءَ گیش گوشت کہ درستیں صوبائی حکومت انٹرنیشنل لیبر آرگنائزیشن ءِ گوما سرجمی ءَ کمک کنگ ءَ اَنت بنجاھی   وزیر ءَ 2022ءِ سیلاب ءِ تہ ءَ یو این آر سی ءِ کارگس ءِ کرد ءِ ستا کرتگ ءُ    گوشت کہ اے وھد ءِ تہ ءَ یو این آر سی ءَ ھوار 33ملین مردم بے لوگ بوتگ اَنت۔ فنڈنگ ​​ءِ گوما ءُ رضاکاراں داتگ۔ آئی ءَ گیش کرتگ کہ آ انگت ءَ سیلاب ءَ چہ آماچیں دمگ آنی بحالی ءِ واستہ یو این آر سی ءِ گوما کار کنگ ءَ اَنت۔