ادارکی صدر سید یوسف رضا گیلانی ءَ بنجاھی  تک ءَ محتسب آنی پرمان آنی ھلاپ ءَ درخواست گوشداتگ اَنت

اسلام آباد۔5نومبر  (اے پی پی): ادارکی صدر سید یوسف رضا گیلانی ءَ بنجاھی  تک ءَ محتسب آنی پرمان آنی ھلاپ ءَ درخواست آنی گوشدارگ بوتگ۔ صدر ءِ گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ اے موہ ءَ اے نمائندگی آنی کارروائی ءُ  پیسلہ کنگ ءِ واستہ پاکستان ءِ صدر ءِ نیمگ ءَ نامینتگیں جسٹس (ریٹائرڈ) عرفان قادر ھم ساڑی بوتگ۔ اے نمائندگی آنی تہ ءَ بنجاھی  محتسب، کارجاہ ءِ تہ ءَ آزار ءُ  اذیت ءِ ھلاپ ءَ رکھینگ ءِ واستہ بنجاھی  محتسب ءُ بنجاھی  انشورنس محتسب ءِ ھوالگ ءَ جیڈھ ھوار اتنت۔ گوشدارگ ءَ پد قائم مقام صدر ءَ گوشت کہ گوستگیں شش ماہ آنی تہ ءَ صدر ءَ وتی نامینتگیں نمائندہ ءِ وسیلگ ءَ گریب، بیواہ، معذوریں مردم ھوار اقلیت ءُ  پدمنتگیں دمگاں گوں سیادی داروکیں مردم ھواریں سداں کیس آنی پیسلہ کتگ اجرائیہ ءِ سرا ریلیف داتگ۔ آئی ءَ گوشت کہ گوستگیں وھد آنی تہ ءَ کیس آناں ترندی ءَ گوں کار کنگ بوھگ ءَ اِنت چوش کہ اے بے مثال اِنت۔ قائم مقام صدر ءَ گوشت کہ ٹیکس ءُ  بینکنگ ءِ شوبگ ءَ شہری ءُ  اوورسیز پاکستانی آناں ھم مزنیں کساس ءَ ریلیف پجاری کنگ بوتگ۔ آئی ءَ گوشت کہ بنجاھی  تک ءِ سر ءَ محتسب ادارگ آنی تہ ءَ صدر ءِ نیمگ ءَ نامینتگیں مستریں فورم ءَ ھوار بنجاھی  حکومت ءِ سرجمیں محکمہ، وت واجہیں ادارگ ءُ  ایندگر الس ءُ  راجی ارزشت ءِ نجی شعبہ ءِ ادارگاں ریلیف داتگ۔ چوش کہ ہر سال دو لکھ ءَ چہ گیش کیسانی پیسلہ کنگ بوھگ ءَ انت کہ اودا پاکستان ءِ صدر مزنیں فورم انت۔ قائم مقام صدر ءَ گوشت کہ رسانکدر ءَ را الس ءَ را سرپد کنگ ءِ ضلورت اِنت کہ بنجاھی  تک ءَ محتسب ءِ کارگس آنی جوڑ کنگ ءِ وسیلگ ءَ پیسر ءَ چہ مزنیں کساسے ءَ شکایت آنی گیواری کنگ بوتگ ءُ  گیش کت کہ آیوکیں روچ آنی تہ ءَ گیش گیواری کنگ بیت۔