ورنا وتی محنت، لگن ءُ جزم ءَ گوں پاکستان ءَ دیمروئی ءُ وشحالیں ملکے جوڑ کن اَنت، بنجاھی  وزیر ءِ اھوالکاری عطا اللہ تارڑ

اسلام آباد۔5نومبر  (اے پی پی):بنجاھی  وزیر اھوالکاری، شنگ ءُ تالان، راجی میراث ءُ دود ءُ ربیدگ عطا اللہ تارڑ ءَ گوشت کہ ورنا وتی محنت، لڈ ءُ جزم، ملک ءِ معیشت ءِ مھکم ءَ گوں پاکستان ءَ را دیمروئی ءُ وشھالیں ملک جوڑ کن اَنت۔ سرکار ایشی واستہ شپ ءُ روچ محنت کنگ ءَ انت، 200 فلسطین ءِ نودربر پاکستانی ادارہانی تہا داخلہ دیگ بوتگ انت۔ سئے شمبے ءِ روچ ءَ ھاسیں مہمان ءِ بستار ءَ راجی ورنا آنی سروک دیوان ءَ گوں گشتانک دیان ءَ بنجاھی  وزیر ءِ اھوالکاری ءَ گوشت کہ پاکستان ءِ بُن ھشت یک واب ءِ سر ءَ ایر کنگ بوتگ، علامہ اقبال ءِ واب قائداعظم ءَ پیلو کتگ، برصغیر ءِ ورنا 2018 ءِ گوما شانک ءُ  شانہ ءَ اوشتاتگ اَنت۔ قائداعظم ءَ آجوئی ءِ جہد ءَ سوبمندی رس اِتگ۔ ورناہاں قائداعظم ءِ پیغام برصغیر ءِ ہر کُنڈ ءَ سر کت ءُ  پاکستان ءِ ارزشت ءِ بابت ءَ مسلمان آنی تہ ءَ سرپدی پیداک کنگ ءَ کمک کت۔ آئی ءَ گوشت کہ پاکستان ءَ باصلاحیتیں ورنا آنی تہ ءَ کمی نہ اِنت، آ ملک ءِ دیمروئی ءِ تہ ھاسیں کرد ءَ پیلو کنگ ءَ اَنت۔ ورنا ہر فورم ءَ پاکستان ءِ نمائندگی کنگ ءَ انت، آہانی تہا گلوبل منظر نامہ ءَ را یک انچیں رنگے ءَ جوڑ کنگ ءِ صلاحیت است انت۔ آئی ءَ گوشت کہ موسمی مٹ ءُ بدلی ءِ ھوالگ ءَ بازیں کار کنگ لوٹ ایت، موسمی مٹ ءُ بدلی ءِ سیلاب ءُ ھئور ءِ رنگ ءَ نیکیں آسر آنی سبب ءَ مارا بازیں تاوان ءِ دیمپانی بوتگ۔ آئی ءَ امیت کت کہ موسمی مٹ ءُ بدل ءِ اثرات ءَ را کم کنگ ءَ پاکستانی ورنا وتی کرد ءَ پیلو کن انت۔ بنجاھی  وزیر ءِ اھوالکاری ءَ گوشت کہ پاکستان ءِ ورنا صنفی برابری، جوانیں جان سلامتی ءِ آسراتی ءُ  ملک ءُ  دمگ ءِ اُلس آنی سرجمیں وشھالی ءِ واستہ کوشست کنگ ءَ اَنت۔ آئی ءَ گوشت کہ ورنا آناں توانمند کنگ وھد ءِ لوٹ اِنت، حکومت ورنا آناں توانمند کنگ ءِ واستہ جتا جتائیں گامگیج چست کنگ ءَ اِنت۔ آئی ءَ گوشت کہ مسلمان آنی واستہ جتاھیں ریاست ءِ جوڑ کنگ ءَ ورنا آں مزنیں کردے پیلو کتگ ءُ  آ اے ملک ءَ را گیش مزنیں کونڈ آنی سر ءَ برگ ءَ انت۔ آئی ءَ گوشت کہ پاکستان ءِ ورنا آنی تہ ءَ نا ایوک ءَ صلاحیت است انت بلکینگ ءَ دگنیا ءِ آیوکیں باندات ءَ را ھم نوکیں رنگ ءَ جوڑ کت کن انت وھدیکہ ما انسانیت ءِ واستہ یکجائی آیوکیں باندات ءِ نیمگ ءَ روگ ءَ ایں ۔ بنجاھی  وزیر ءَ گوشت کہ صنفی برابری ءَ را دل یکیمی کنگ ءِ واستہ گیشاں چہ گیش کوشست کنگ لوٹ ایت تانکہ جنک راجی جوڑیشت ءِ عمل ءَ گیشاں چہ گیش جوانیں کرد پیلو بہ کن اَنت۔ آئی ءَ گوشت کہ حکومت سرجمی ءَ سرپد اِنت ءُ  ڈیجیٹل پڑ ءَ کار کنوکیں پاکستانی ورنا آنی کمک ءِ واستہ تیار اِنت۔ آئی ءَ گوشت کہ راجی ورنا کونسل ءَ را گیش سرگرم کنگ ءِ ضلورت اِنت ءُ  پیسلہ کنگ ءُ  پالیسی جوڑ کنگ ءِ عمل ءَ ورنا آناں کرد دیگ ءِ ضلورت اِنت۔ عطا اللہ تارڑ ءَ گوشت کہ ملک ءِ معیشت ءَ را مھکم کنگ ءِ واستہ حکومت شپ ءُ  روچ کار کنگ ءَ انت ۔ بنجاھی  وزیر عطا اللہ تارڑ ءَ گوشت کہ غزہ ءِ سر ءَ اسرائیل ءِ اُرش ءَ پد پاکستان ءَ 200 فلسطینی میڈیکل ءِ نودربر پاکستانی ادارگ آنی تہ ءَ داخلہ داتگ اَنت فلسطینی آنی نسل کشی ءِ گر ءُ  دار ءِ واستہ وتی کرد ءَ پیلو کن اِت۔ پاکستان 1967 ءَ پیسر ءِ فلسطین ءِ ریاست ءِ بحالی ءِ لوٹ اِنت۔ آئی ءَ گوشت کہ پرامنیں دگنیا ءَ را دل یکیمی کنگ ءَ ورنا کلیدی کرد پیلو کت کن اَنت۔ فلسطینیانی نسل کشی ءِ سرا بے تواریں مردم درحقیقت اسرائیل ءِ لشکر ءِ جنگی جرائم ءِ تہا ہمدست انت۔ آئی ءَ گوشت کہ غزہ ءُ  مغربی کنارہ ءِ ورنا آناں ھما موہ رسگ لوٹ ایت کہ دگنیا ءِ ورنا آں ھست انت۔