بنجاھی تہی کار  ءِ وزیر ءَ جنوبی وزیرستان ءَ ناشرکاری ءِ وئیل ءِ مذمت کتگ ءُ سی ٹی ڈی ءِ کارندہ آں ھوار 3 مردم آنی شہادت ءِ سر ءَ اپسوزی ءِ درشان

اسلام آباد۔5نومبر  (اے پی پی):بنجاھی تہی کار  ءِ وزیر محسن نقوی ءَ جنوبی وزیرستان ءِ وانا سٹی پولیس اسٹیشن ءِ سیمسر ءَ فتنہ الخوارج ءِ ناشرکارانی نیمگ ءَ گاڑی ءِ سر ءَ تیرگواری ءِ وئیل ءِ مذمت کتگ۔ بنجاھی تہی کار  ءِ وزیر محسن نقوی ءَ سی ٹی ڈی ءِ کارندہ عثمان ءَ ھوار 3 مردمانی شہید ءِ سر ءَ اپسوز درشان کتگ۔ وتی بیان ءِ تہ ءَ تہی کارانی وزیر محسن نقوی ءَ شھیدیں کارندہ عثمان ءَ را بادشاہی پیش کتگ ءُ گوشت کہ آ شھید آنی کھول ءِ ھمراھی ءَ اوشتاتگ آں۔ آئی ءَ گیش تران کت کہ ما شہیدانی کربانی آناں سلام پیش کن ایں، شہیدانی کربانی راج ءَ مدام یات کنت۔ بنجاھی  توکی کارانی وزیر محسن نقوی ءَ گوشت کہ ناشرکاری ءِ ھلاپ ءَ جنگ پاکستان ءِ زندگ بوھگ ءِ جنگ اِنت ءُ اے جنگ ءَ راج سیکورٹی فورسز ءِ ھمراھی ءَ اوشتاتگ۔