بنجاھی  منصوبہ بندی ءِ وزیر احسن اقبال ءَ اقوام متحدہ ءِ تہا پاکستان ءِ مستقل نمائندہ منیر اکرم ءَ گوں گند ءُ    نند کتگ، سی او پی 29 کانفرنس ءَ بہر زورگ ءِ تیاری ءِ بابت ءَ گپ ءُ    تران کتگ، اقتصادی حکمت عملی ءِ بابت ءَ گپ ءُ    تران کتگ

اسلام آباد۔5نومبر  (اے پی پی):منصوبگ بندی، دیمروئی، اصلاحات ءُ ھاسیں گامگیج آنی بنجاھی  وزیر احسن اقبال ءَ اقوام متحدہ ءِ تہ ءَ پاکستان ءِ مستقل نمائندہ سفیر منیر اکرم ءَ گوں گند ءُ نند ءَ تیاری ءُ اقتصادی حکمت عملی ءِ سر ءَ گپ ءُ تران کنگ بوت۔ سئے شمبے ءِ روچ ءَ جاڑی بوتگیں پریس ریلیز ءِ رد ءَ احسن اقبال ءَ گوشت کہ پاکستان اقوام متحدہ ءِ دیمروئی مول ءُ    مراد آنی سر ءَ جزم اِنت ءُ    اے ماہ ءَ باکو ءَ سی او پی 29 کانفرنس ءَ سرگرمیں رنگ ءَ بھر زوری کنت ایشی ءِ تہ ءَ چاگردی اولیت آنی سر ءَ چمشانک دیگ بیت۔ آئی ءَ گوشت کہ دگنیا ءِ تہ ءَ کمتریں کاربن ءِ کشگ ءِ باوجود پاکستان موسمی ءُ    چاگردی مٹ ءُ    بدل آنی سبب ءَ گیش آماچیں ملک آنی تہ ءَ ھوار اِنت آئی ءَ گیش کرتگ کہ پاکستانی ڈل کانفرنس ءَ دمگی کمک ءَ را مھکم کنگ ءِ سر ءَ دلگوشی دنت ءُ    پاکستان یک گول میز ءِ سر ءَ گپ ءُ    تران کنگ بیت۔ کہ ایشی ءِ تہا میان استمانی شریک بہر زور اَنت۔ بنجاھی  وزیر ءَ اقوام متحدہ ءِ پائیدار دیمروئی ءِ مول ءُ مراد ءِ بابت ءَ پاکستان ءِ کوشست آنی ذکر کنان ءَ گوشت کہ پاکستان اولی ملک اِنت کہ آئی ءَ پارلیمنٹ ءِ وسیلگ ءَ اے مول ءُ مراد آناں وتی راجی دیمروئی ءِ ایجنڈا ءِ باقاعدہ بھر جوڑ کتگ۔ مئے درستیں دیمروئی منصوبہ ہمے مول ءُ مراداں گوں ہمگرنچ انت۔ وزارت منصوبہ بندی ءِ تہا جوڑ بوتگیں ایس ڈی جی یونٹ نوں یک بہرے ءِ حیثیت ءَ دار ایت، کہ اے منصوبہ آنی نفاذ ءِ سرا چار ءُ    تپاسی کنت ءُ    اے مول ءُ    مراد آنی سرجمی ءِ ھاتر ءَ حکمت عملی جوڑ کنت۔ احسن اقبال ءَ گوشت کہ اقوام متحدہ ءِ نیمگ ءَ پائیدار دیمروئی ءِ اے 17 مول ءُ    مراد آنی ھوالگ ءَ زوت وزارت منصوبگ بندی ءَ 17 ٹاسک فورس جوڑ کنگ بنت کہ آ راجی ءُ    صوبائی تک ءَ منصوبگ آنی سر ءَ نگرانی کن اَنت تانکہ آھانی سر ءَ عمل کنگ ءَ را دل یکیمی کنگ بہ بیت۔ آئی ءَ پاکستان ءِ اسٹاک مارکیٹ ءِ جاور ھال ءِ سر ءَ ھم چمشانک داتگ ءُ گوشت کہ 530 کمپنی آنی تہ ءَ ایوک ءَ 70 کمپنی است انت کہ آھانی برآمدات 10 ہزار ڈالر ءَ چہ گیش انت۔ احسن اقبال ءَ کمپنی آناں برآمدات ءَ را گیش کنگ ءُ    گلوبل مارکیٹ ءَ وتی توانائی ءَ را جوانیں رنگ ءَ کارمرد کنگ ءِ واستہ دلبڈی دات ءُ    گوشت کہ پاکستان ءِ تہ ءَ ھرچ ادارگ ءَ را برآمدات ءِ تہ ءَ 10 ہزار ڈالر ءَ چہ گیش ءِ ٹارگٹ ایر کنگ لوٹ ایت۔ بنجاھی  وزیر ءَ ھاسیں سرمایہ کاری آسراتی کونسل ءِ چیر دستی ءَ سرمایہ کاری ءِ گوستگیں لہر ءِ سر ءَ دل یکیمی ءِ درشان کت ءُ    گوشت کہ ایس آئی ایف سی مزنیں سرمایہ کاری ءُ    کاروباری موہ آناں دیمروئی دیگ ءِ واستہ جوانیں چاگرد پجاری کنگ ءَ اِنت۔ بنجاھی  وزیر ءَ امیت سہرا کت کہ برجاھیں سرمایہ کاری ءُ اقتصادی اصلاحات پاکستان ءَ را برجمیں دیمروئی ءِ نیمگ ءَ رھادگ کن اَنت۔