سعودی عرب ءُ گتر  ءِ نیام ءَ تر ءُ تاب ءُ گند ءُ نند سک سیت مند  انت ءُ وت مہ  نپ ءِ واستہ بے مٹ اَنت ءُ سعودی عرب ءُ گتر  پاکستان ءَ سرمایہ کاری ءِ واھشت مند انت، مزن وزیر شہباز شریف   ءِ بنجاھی  کابینہ  ءِ دیوان ءَ گوں گشتانک

اسلام آباد۔4نومبر  (اے پی پی):مزن وزیر محمد شہباز شریف ءَ سعودی عرب ءُ گتر  ءِ نیام ءَ تر ءُ تاب ءُ گند ءُ نند سک باز کارآمد ءُ بورنگ لیک اتگ ءُ گشتگ کہ سعودی عرب ءُ گتر  پاکستان ءَ سرمایہ کاری ءِ ھاتر ءَ تیار انت پاکستانی ڈل زوت سعودی عرب ءِ تر ءُ تاب ءَ کنت۔ پاکستانی زوت سعودی عرب  ءَ رونت  ، گتر  سرمایہ کاری اتھارٹی ءِ کارندہ اے ماہ ءَ پاکستان ءِ تر ءُ تاب ءَ کن انت، سعودی عرب ءَ میلیوناں ہنرمندیں نیرو ءِ ضلورت انت۔ مزن وزیر ءَ بنجاھی  کابینہ ءِ دیوان ءَ گشتانک دیان ءَ سعودی عرب ءُ   گتر  ءِ تر ءُ   تاب ءِ ھوالگ ءَ بنجاھی  کابینہ ءِ سر ءَ دل یکیمی ءِ درشان کت۔ آئی ءَ گوشت کہ آ انوگیں وھد ءَ سعودی عرب ءُ   گتر  ءِ تر ءُ   تاب ءَ چہ واتر بوتگ سعودی عرب ءَ آئی ءَ فورم آف فیوچر انویسٹمنٹ انیشیٹیو ءَ گوں تران کتگ ایشی ءِ تہ ءَ آئی ءَ سعودی ولی عہد محمد بن سلمان ءَ ھوار ھاسیں مردم ءُ   رہشون آنی گوما گند ءُ   نند کتگ۔ مزن وزیر ءَ گوشت کہ سعودی ولی عہد ءَ یک رندے پد ءَ پاکستان ءِ واستہ نیکیں واھگ آنی درشان کت ءُ   پاکستان ءِ دیمروئی ءُ   سرمایہ کاری ءِ ھوالگ ءَ آئی ءِ گوما کارآمدیں گپ ءُ   تران کت آئی ءَ شپ ءِ ورگ ءِ سر ءَ سعودی ولی عہد ءَ گوں ھم گند ءُ   نند کت۔ عربستان ءُ   پاکستان ءِ شاہی دربار ءِ ھاسیں نمائندہ ءِ گوما شمسی توانائی، کان ءُ   معدنیات، کشت ءُ   کشاری ءُ   وت مہ وتی کمک ءِ ایندگر شوبگ آنی ھوالگ ءَ تفصیلی تبادلہ کنگ بوتگ۔ اے موہ ءِ سر ءَ سعودی واکدارانی نیمگ ءَ یک پریس کانفرنسے ھم کنگ بوت کہ سک باز کارآمد بوت۔ مزن وزیر ءَ گوشت کہ اے گند ءُ نند ءُ تر ءُ تاب ءِ آسر ءَ پاکستان ءِ ڈل سک زوت سعودی عرب ءَ روگ ءَ انت۔ مزن وزیر ءَ گوشت کہ سعودی عرب ءَ چہ پد من گتر  ءِ ھم تر ءُ   تاب کتگ، اے تر ءُ   تاب ھم سعودی عرب ءِ وڑ ءَ سک باز بامنی ءُ   جوڑیشت بوتگ۔ پاکستان ءِ راجدپتر ءِ سر ءَ یک جوانیں نمائشے ھم امری گتر  ءِ زھگ ءِ نیمگ ءَ برجم دارگ بیت کہ ایشی ءِ تہ ءَ امری گتر  ءَ وت بھر زرتگ ءُ آئی ءَ مئے شرپ ءَ نان ءِ ورگ ءِ میزبانی ھم کتگ۔ مزن وزیر ءَ گوشت کہ گتر  سروک آں سئے ارب ڈالر ءِ سرمایہ کاری ءِ ھوالگ ءَ گوست ءَ کتگیں وعدہ ءِ سر ءَ عمل کنگ ءِ واستہ کوشست کتگ، گتر  سرمایہ کاری اتھارٹی ءِ چیئرمین ءُ   آئی ءِ ٹیم زوت پاکستان ءِ تر ءُ   تاب ءَ کنت۔ مزن وزیر ءَ گوشت کہ سعودی عرب ءَ را آئی ٹی ءِ جتا جتائیں شوبگ آنی تہ ءَ لاکھوں ہنرمندیں کارندہ آنی ضلورت اِنت، سعودی ولی عہد ءَ پاکستان ءَ را ہنرمندیں مردمی قوت ءِ روان دیگ ءِ لوٹ کتگ، ھمے رنگ ءَ گتر  ءَ پاکستان ءَ آئی ٹی پارک ءِ جوڑ کنگ ءِ اشارہ کتگ۔ مزن وزیر ءَ گوشت کہ سعودی عرب ءُ   گتر  ءِ نیام ءَ تر ءُ   تاب ءُ   گند ءُ   نند سک باز پائدگ مند بوتگ انت ءُ   یک دو روچ ءِ واستہ پاکستان ءِ ڈل سعودی عرب ءَ روت من ءَ اے گپ ءِ سرپدی رستگ کہ آ مئے ودار ءَ انت، زوت من فون کناں۔ اے درگت ءَ دیوان ءِ برجم دارگ بوتگ۔ مزن وزیر ءَ گوشت کہ سعودی عرب ءُ   قطر ءِ تر ءُ   تاب ءُ   گند ءُ   نند سک باز پائدگ مند انت ءُ   یک دو روچ ءَ پد پاکستان ءِ ڈل سعودی عرب ءَ روت من ءَ ھال رستگ کہ آ مئے ودار ءَ انت، من زوت دیوان گوانک جناں۔