اسلام آباد۔ 01 نومبر (اے پی پی) بنجائی وزیر داخلہ محسن نقوی مستونگ اٹی سول ہسپتال چوک نا خڑک دھماکہ نا ترند انگالوز آتیٹی مذمت ءِ کرسا پارینے کہ چناتے شست کرسا بربریت نا درشانی ءِ کننگا، کودک چناتا زند آتون گوازی کروک آ درندہ غاک ہچ ءُ رعایت اسے نا حقدار افس۔ جمعہ نادے آ تینا بیان اٹی وزیرداخلہ محسن نقوی 3 چناو اسہ پولیس کارندہ سے نا شہیدی آ ڈکھیائی و است ہسونی نا درشانی ءِ کرے۔ وزیرداخلہ محسن نقوی نا شہید آتا خاہوت آتون ہمدردی و ہڑزخواہی نا درشانی ءِ کرے۔ اونا پاننگ ئس کہ کودک چناتے شست کننگ نا واقعہ نا اخس کہ مذمت ءِ کننگے کم ءِ۔ حکومت شہید آتا خاہوت آتون تفوک ءِ۔ بنجائی وزیرداخلہ محسن نقوی ٹھپی تاز وت دراخ جوڑی کن دعاکرے۔
