بنجاھی   وزیر عبدالعلیم خان ءُ مصدق ملک ءَ سعودی ءِ دارالحکومت ریاض ءَ چہ سعودی واکداراں گوں مزن تک ءِ گند ءُ نند کتگ، پاک سعودی  ٹوھیں سرمایہ  کاری   ءِ روڈ میپ  منوگر،  ایم او یوز  آنی سر ءَ زوت   پکائیں  رنگ ءَ گامگیج  اوست اَنت

اسلام آباد۔1نومبر  (اے پی پی): سعودی عرب ءِ بنجاھی شھر ریاض ءَ بنجاھی   وزیر ءُ سعودی واکدار آنی مزن تک ءِ دیوان برجم دارگ بوت ایشی ءِ تہ ءَ پاکستان ءُ سعودی عرب ءِ نیام ءَ مزنیں سرمایہ کاری ءِ روڈ میپ ءِ بدلی کنگ بوت۔ سعودی ڈل ءَ پاکستان ءِ گوستگیں تر ءُ   تاب ءُ   مزن وزیر ءِ سعودی عرب ءِ تر ءُ   تاب ءِ رژنائی ءَ وت مہ وتی منوگری  آنی سر ءَ عمل کنگ ءِ سر ءَ تپاک کتگ۔ ادا جاڑی بوتگیں پریس ریلیز ءِ رد ءَ سعودی عرب   ءِ  وزیر برائے سرمایہ کاری شیخ خالد بن عبدالعزیز الفالح  ءَ  گوں مزن تکی ڈل ءِ  ھمبراھی  ءَ  ریاض  ءَ پاکستان ءَ چہ تر ءُ تاب  ءَ  شتگ بوتگ  بنجاھی وزیر  برائے  سرمایہ کاری  بورڈ، پرائیویٹائزیشن  ءُ رسانک  عبدالعلیم خان  ءُ  وزیر پٹرولیم مصدق ملک   ءَ  ٹوھ ٹوھیں اپسرگ آنی  ھمبراہی ءَ دیوان   برجم  داشت،  ایشی ءِ تہ ءَ دوئیں ملک آنی تہ ءَ جتا جتائیں شوبگ آنی تہ ءَ مفاہمت نامہ ءُ   سرمایہ کاری ءِ معاہدہ آنی سر ءَ عمل درآمد ءِ سر ءَ چار ءُ   تپاسی کنگ بوتگ۔ سعودی عرب ءِ سرمایہ کاری ءِ وزیر شیخ خالد بن عبدالعزیز الفالح ءَ بنجاہی وزیر آناں سعودی عرب ءَ وش آتک کنان ءَ گوشت کہ پاکستان ءِ گوستگیں تر ءُ   تاب سک باز وشیں، جوانیں ءُ   جوڑیشت بوتگ، ایشی ءِ رد ءَ آیوکیں دیمروئی آنی ارزشت دیگ بوھگ ءَ اِنت۔ آئی ءَ بنجاہی سرمایہ کاری بورڈ ءِ وزیر ءَ را 25 ءُ 26نومبر ءَ سعودی عرب ءَ ایکسپو ءَ بہر زورگ ءِ دعوت دات ءُ پاکستان ءَ سرمایہ کاری ءِ واستہ ھمک رنگ ءِ کمک ءِ دل یکیمی کت۔ آئی ءَ گوشت کہ سعودی عرب ءِ گوست ءِ وڑ ءَ آیوکیں وھد ءَ ھم پاکستان ءِ معیشت ءُ   تجارت ءِ دیمروئی ءَ سرگرمیں کرد پیلو کنت ءُ   ھما شوبگ آنی تہ ءَ سرمایہ کاری ءِ کساس ءَ را گیش گیش کنت کہ ایشانی پجار کنگ بوتگ۔ بنجاہی سرمایہ کاری بورڈ ءِ وزیر عبدالعلیم خان ءَ گوں تران کنان ءَ گوشت کہ پاکستان سرمایہ کاری ءِ واستہ ھاسیں شوبگ آنی اولویت ءِ لسٹ ءِ سر ءَ عمل کنگ ءَ را دل یکیمی کنت ءُ   سازگاریں چاگرد ءِ پھجارینگ ءِ ھوار سعودی سرمایہ کار آنی واستہ بے وسی ءِ کارروائی آناں چہ بچگ ءَ را دل یکیمی کنت۔ ہر وڑیں آسراتی آنی پھجاری آئی ءَ گوشت کہ مارا نوکیں لوٹ آنی رد ءَ سرمایہ کاری ءِ جیڈھ آناں دیم ءَ برگ ءَ چہ پاک سعودی ءِ سیادی ءَ را گیش مھکم کنگی اِنت۔ مئے مھکمیں جزم ءِ درشان اِنت۔ اے مزن تک ءِ گند ءُ نند ءَ سعودی ءُ بنجاھی ءِ سرمایہ کاری ءِ وزیر آنی نیام ءَ پیلو کنگ ءِ برجاہ دارگ ءُ کار ءِ ترندی ءَ را گیش کنگ ءِ سر ءَ تپاک کنگ بوتگ وھدیکہ بنجاھی ءِ وزیر عبدالعلیم خان ءُ مسداق ملک ءَ سعودی ءِ سرمایہ کاری ءِ وزیر شیخ خالد ءَ گوں گند ءُ نند کتگ ۔ بن عبدالعزیز الفالح ءُ سعودی حکام ءَ آئی ءِ منت واری ءِ درشانی کنان ءَ ءُ اے گپ ءَ را دوئیں ملک آنی واستہ وش آتک ءِ رنگ ءَ گشتگ۔ گند ءُ نند ءَ سعودی عرب ءُ پاکستان ءِ وزارت ءِ سرمایہ کاری ءِ سینئر افسر آں دوئیں ملک آنی نیام ءَ جتا جتائیں شوبگ آنی تہ ءَ دو نیمگی تعاون ءِ نیمگ ءَ دلگوش گور کت ءُ اے درگت ءَ جتا جتائیں ٹیکنیکل جیڈھ آناں زوت سرجمی ءِ ھوالگ ءَ ھاسیں پیسلہ آنی منظوری دات پدا سرمایہ کاری ءِ منظوری دات۔ عملی رنگ ءَ  بندات  بیت کنت۔