اسلام آباد۔1نومبر (اے پی پی): مزن وزیر محمد شہباز شریف سعودی عرب ءُ گتر ءِ تر ءُ تاب ءِ سرجم کنگ ءَ پد جمعہ ءِ روچ ءَ اسلام آباد ءَ سر بوتگ۔ مزن وزیر کارگس ءِ پریس ونگ ءِ رد ءَ ایشی ءَ چہ پیسر گتر ءِ وزیر مملکت ءِ میانجی داری محمد بن عبدالعزیز بن صالح الخلیفی، گتر ءَ پاکستان ءِ سفیر ءُ ایندگر سفارتی کارندہ آں مزن وزیر ءَ را گتر ءِ دو روچی تر ءُ تاب ءَ یلہ داتگ ات۔ دوحہ ءِ میاں اوستمانی بالی پٹ ءَ مزن وزیر ءَ گتر ءِ مزن وزیر ءِ گوما گند ءُ نند کتگ۔ گتر میوزیم ءَ پاکستانی ازم ءُ دود ءُ ربیدگ ءِ دیمروئی ءِ ھوالگ ءَ “مناظر” ءِ نمائش ءِ بنگیج کت۔ گتر بزنس مین ایسوسی ایشن ءِ ڈل ءَ مزن وزیر ءَ گوں ھم گند ءُ نند کت۔
