گتر  کاروباری مردم بزنس مین  ایسوسی ایشن ءِ ڈل ءَ مزن وزیر ءَ گوں گند ءُ   نند کت ایشی ءِ تہ ءَ پاکستان ءَ سرمایہ کاری ءِ تہ ءَ گیشی ءِ واستہ سک باز واھشت ءِ درشان

دوحہ۔1نومبر  (اے پی پی): مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گتر  ءِ نامداریں کاروباری مردم آں توانائی ءُ   بنیاتی ڈھانچہ ءَ ھوار جتا جتائیں شوبگ آنی تہ ءَ سرمایہ کاری ءَ را گیش کنگ ءِ تہ ءَ مزنیں دلگوشی ءِ درشان کتگ۔ مزن وزیر شہباز شریف ءَ را گتر  ءِ کاروباری مردمانی انجمن ءِ ڈل ءَ شیخ فیصل بن قاسم الثانی ءِ سروکی ءَ جمعہ ءِ روچ ءَ گند ءُ   نند کت۔ اے ڈل ءِ تہ ءَ گتر  ءِ مزنیں تاجر ھوار اتنت کہ آھانی تہ ءَ المنا گروپ ءِ وائس چیئرمین ءُ سی ای او سعود بن عمر بن حمد المنائی، منائی کارپوریشن ءِ ایگزیکٹو ڈائریکٹر خالد احمد المنائی، چیئرمین مینا (مینا) ءُ صلاح محمد چیف کنٹری ھوار اتنت۔ ڈوئچے بینک ءِ افسر جدہ ءِ ھاسیں شعبہ آنی بااثریں رہشون آنی تہ ءَ منصور جاسم التھانی گروپ ءِ چیئرمین شیخ منصور بن جاسم الثانی، بلو سیلون ءِ سی ای او نبیل ابو عیسیٰ ءُ   سینڈین گروپ ءِ ڈائریکٹر یوسف ابراہیم المحمود ھوار بوتگ اَنت۔ معیشت ءِ تہ ءَ تجارت، سرمایہ کاری ءُ   اقتصادی شراکت داری ءِ ھوالگ ءَ شریکداری ءَ را مھکم کنگ ءِ واستہ یکجائی مول ءُ   مراد آنی پجارینگ ءِ سر ءَ زور دیگ بوت۔ مزن وزیر شہباز شریف ءَ گتر ی کاروباری رہشون آناں پاکستان ءَ سرمایہ کاری ءِ واستہ باقاعدہ دعوت دات ءُ   توانائی، بنیاتی ڈھانچہ ءُ   ایندگر ھاسیں اقتصادی منصوبگ آنی شوبگ ءَ سرمایہ کاری ءِ موہ آناں پدر کت پرچا کہ پاکستان سرمایہ کاری ءِ واستہ دلکشیں منزل اِنت۔ ڈل ءَ پاکستان ءِ اقتصادی سناریو ھاسیں رنگ ءَ توانائی، ٹیکنالوجی ءُ بنیاتی ڈھانچہ ءِ دیمروئی ءِ آیوکیں منصوبگ آنی ھوالگ ءَ دلگوشی ءِ درشان کت۔ گند ءُ   نند ءِ ساھت ءَ پاکستان ءُ   گتر  ءِ اقتصادی سیادی ءُ   اے درگت ءَ گیش ممکنہ کمک ءِ سر ءَ چار ءُ   تپاسی کنگ بوت کہ دوئیں ملک آنی تہ ءَ روزگار ءِ پیداک کنگ، نوآبادیاتی ءُ   پائیدار دیمروئی ءِ تہ ءَ کمک بوت کنت۔ ڈل ءَ مزن وزیر ءِ دعوت ءِ سر ءَ جوانیں پسو دات ءُ   پاکستان ءِ توانائی ءُ   بنیاتی ڈھانچگ ءِ شوبگ آنی تہ ءَ وتی سرمایہ کاری ءَ را گیش کنگ ءِ واستہ گہتری ءِ واھشت ءِ درشان کت۔ مزن وزیر ءُ گتر ی ڈل ءَ اقتصادی استحکام ءُ دیمروئی ءَ را مھکم کنگ ءِ واستہ دو نیمگی کمک ءِ ارزشت ءِ سر ءَ زور پر دات۔ نائب مزن وزیر ءُ درئی کارانی وزیر سینیٹر محمد اسحاق دار، وزیر دفاع خواجہ محمد آصف، وزیر دفاع، بنجاھی   وزیر تجارت جام کمال خان، بنجاھی   وزیر خزانہ ءُ آمدنی محمد اورنگزیب ءُ بنجاھی   وزیر اطلاعات ءُ شنگ کاری    عطا اللہ تارڑ  ھم  دیوان  ءَ  ساڑی ات۔