اسلام آباد۔1نومبر (اے پی پی): پاکستان ءُ گتر ءَ جیڈھ آناں پرامن گیواری ءِ ارزشت ءِ سر ءَ زور پر دات ءُ دمگی ءُ جھان ءِ چیلنج آنی گوما گر ءُ چیل بوھگ ءِ ھاترا وت مہ وتی کمک ءَ را گیش گیش کنگ ءُ دو نیمگی سیادی آنی تہ ءَ نوکیں موہ آنی پیداک کنگ ءِ ھاترا تپاک کن اَنت۔ افق ءِ شوھازگ ءِ ھاترا مزنیں کچے ءِ تر ءُ تاب ءِ۔ مزن وزیر ءِ گتر ءِ تر ءُ تاب ءِ ھوالگ ءَ درئی کارانی کارگس ءِ جارچین ءِ نیمگ ءَ جاڑی بوتگیں یکجائی بیان ءِ رد ءَ مزن وزیر محمد شہباز شریف ءَ امیر گتر ءَ گوں گند ءُ نند کتگ ۔ دوحہ ءِ امرزی دیوان ءَ تمان بن حمد التھانی ءَ گوں گند ءُ نند کتگ ات، اودا گتر ءِ امیر ءَ مزن وزیر ءُ آئی ءِ ہمراہی ءَ ڈل ءَ را وش آتک کتگ ات۔ مزن وزیر شہباز شریف ءَ گرمیں وش اتک ءُ دل ءِ جہلانکیں مہمان داری ءِ سرا شگر ءُ منت گپت، دو نیمگی سیادی ءَ را گیش مھکم کنگ ءُ جتا جتائیں شوبگ آنی تہ ءَ استیں کمک ءَ را دیمروئی دیگ ءِ واھشت ءِ درشان کت۔ مزن وزیر ءَ پاکستان ءَ را جتاجتائیں شوبگ آنی تہ ءَ گتر ءِ نیمگ ءَ مُدامی کمک ءَ را ساڑات۔ مزن وزیر ءَ پاکستان ءِ ھاسیں اقتصادی شوبگ آنی تہ ءَ سرمایہ کاری ءِ موہ آنی سر ءَ زور پر دات۔ گند ءُ نند ءِ ساھت ءَ دوئیں براتیں ملک آنی نیام ءَ دو نیمگی سیادی آناں مھکم کنگ ءِ سر ءَ ھیال ریچی کنگ بوت، ایشی ءِ تہ ءَ سرمایہ کاری ءُ بیپاری ءُ اے دگہ شوبگ آنی تہ ءَ کمک ءِ سر ءَ ھاسیں زور دیگ بوت۔ دوئیں سنگتاں سرمایہ کاری ءِ پیسریگیں پوزیشن آنی رد ءَ پاکستان ءِ جتا جتائیں شوبگ آنی تہ ءَ جتا جتائیں ھاسیں موہ آنی سر ءَ ھیال ریچی کت۔ یکے دومی ءِ دلچسپی ءِ ھاسیں دمگی ءُ میاں اوستمانی دیمروئی ءِ بابت ءَ ھم تبادلہ کنگ بوتگ۔ امیر گتر ءَ دوئیں ملک آنی نیام ءَ براتی سیادی آنی ارزشت ءِ درشان کت ءُ دوئیں ملک آنی اقتصادی شراکت داری، بیپاری تبادلہ ءُ سرمایہ کاری ءَ را دیمروئی دیگ ءِ واھشت ءِ درشان کت۔ گتر ءِ مزن وزیر ءُ دری کارانی وزیر شاخی محمد بن عبدالرحمن التھانی ءَ گوں پاکستان ءِ مزن وزیر محمد شہباز شریف ءَ ھم گند ءُ نند کتگ ایشی ءَ پد دوئیں نیمگاں دو نیمگی سیادی ءَ را گیش کنگ ءُ اقتصادی، تجارت، ءُ سرمایہ کاری ءِ دیمروئی ءِ راہ ءُ درانی سر ءَ ھیال ءُ لیکہ کنگ بوتگ۔ دود ءُ ربیدگ ءِ تبادلہ ءِ پڑاں کمک ءِ ھاتر ءَ ۔ مزن وزیر شہباز شریف ءَ پاکستان ءِ اقتصادی دیمروئی ءِ کمک ءَ گتر ءِ کرد ءِ سرا منت واری درشان کت ءُ گتر ءَ پاکستانی کمیونٹی ءِ مزنیں کساس ءِ استی ءَ را ساڑات کہ دوئیں ملک آنی نیام ءَ پُل ءِ بستار ءَ کار کنت۔ گتر ءِ مزن وزیر ءُ دری کارانی وزیر ءَ خطہ ءِ تہا پاکستان ءِ ارزشت ءِ ذکر کت ءُ دوئیں ملک آنی یکجائی نفاد آناں پیلو کنان ءَ دوئیں ملک آنی نیام ءَ اقتصادی سیادی آناں گیش گہتر کنگ ءِ واستہ گتر ی نیمگ ءِ جزم ءِ درشان کت۔ دوئیں بامرد آں دمگی ءُ میاں اوستمانی جیڈھ آنی سر ءَ ھیال ریچی کت ءُ استیں چیلنج آنی گیواری ءِ واستہ پرامن گیواری ءُ کمکی کوشست آنی ارزشت ءِ سر ءَ زور پر دات۔ پاکستان ءِ مزن وزیر ءَ خطہ ءَ امن ءِ دیمروئی ءِ واستہ گتر ءِ سفارتی کوشست ءُ انسانی کوشست آنی توسیپ کت، ھاسیں رنگ ءَ فلسطین ءِ جیڈھ ءِ سر ءَ گتر ءِ میانجی ءِ کرد ءُ امن ءِ جوڑیشت ءِ کوشست آناں کمک ءِ توسیپ کت۔ دوئیں ملک آنی نیام ءَ مزن تک ءِ تر ءُ تاب آنی تبادلہ ءَ را برجاہ دارگ ءِ ارزشت ءِ سر ءَ تپاک کنگ بوتگ تانکہ وت مہ وتی زانت ءُ کمک ءَ را گیش گیش کنگ بہ بیت۔ اے تر ءُ تاب ءِ ساھت ءَ گتر ءِ امیر ءُ مزن وزیر شہباز شریف ءَ گتر میوزیم ءِ نیمگ ءَ برجم داشتگیں ’’لینڈ اسکیپ: پاکستان ءِ آرٹ ءُ آرکیٹیکچر 1940 ءَ تاں انوگ ءَ‘‘ ءِ نمائش ءِ تر ءُ تاب کت۔
