دوحہ۔1نومبر (اے پی پی): مزن وزیر محمد شہباز شریف گتر ءِ دو روچی تر ءُ تاب ءِ سرجم کنگ ءَ پد دوحہ ءَ چہ وطن ءَ واتر بوتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ گتر ءِ ثالثی ءِ وزیر محمد بن عبدالعزیز بن صالح الخلیفہ، پاکستانی سفیر ءُ ایندگر سفارتی کارندہ آں دوحہ ءِ میاں اوستمانی بالی پٹ ءَ مزن وزیر ءَ را یلہ داتگ۔ گتر ءِ دو روچی تر ءُ تاب ءِ ساھت ءَ مزن وزیر ءَ امیر ءُ گتر ءِ مزن وزیر ءَ گوں گند ءُ نند کتگ ایشی ءَ ابید پاکستانی ازم ءُ دود ءُ ربیدگ ءِ دیمروئی ءِ ھوالگ ءَ گتر میوزیم ءَ نمائش ” منظر ” ءِ بنگیج ھم کتگ۔ گتر بزنس مین ایسوسی ایشن ءِ ڈل ءَ مزن وزیر ءَ گوں ھم گند ءُ نند کت۔
