دوحہ ۔31اکتوبر (اے پی پی):مزن وزیر محمد شہباز شریف ءَ گوشت کہ گتر ءِ امیر شیخ تمیم بن حمد الثانی ءَ گوں گند ءُ نند ءِ ساھت ءَ آئی ءَ دوئیں ملک آنی نیام ءَ مھکمیں دوستی ءُ برات ءِ سیادی ءِ جزم درشان۔ تجارت ، سرمایہ کاری ءِ استیں شوبگ، ھاٹیگ ءُ دود ءُ ربیدگ ءَ کمک ءِ واستہ نوکیں کشک آنی ھوالگ ءَ ھیال ریچی کت۔ پنچ شمبے ءِ روچ ءَ سوشل میڈیا ایکس ءِ سر ءَ وتی پوسٹ ءِ تہ ءَ آئی ءَ گوشت کہ آئی ءَ گتر ءِ امیر ءِ گوما سک باز پیداواری گند ءُ نند کتگ۔ من گتر ءِ امیر ءِ ہمرائی ءَ حکومت ءُ مہمانداری ءِ منت وار آں ما پاکستان ءُ گتر ءِ نیام ءَ دوستی ءُ براتی ءِ مھکمیں سیادی، تجارت، سرمایہ کاری ءِ واستہ نوکیں راہ آنی سر ءَ تران کتگ۔ ممکنہ شعبہ، توانائی ءُ دود ءُ ربیدگ ءِ سرا کار کنگ ءَ انت۔ دوئیں رہشون آں وتی ملک آنی نیام ءَ سرمایہ کاری ءُ تجارتی سیادی ءَ را گیش کنگ ءِ واستہ وت مہ وتی عزم ءِ سر ءَ زور پر دات۔ فلسطین ءُ میاں اوستمانی دمگی جاورانی بابت ءَ ھم گپ ءُ تران کنگ بوت۔ مزن وزیر ءَ گوشت کہ پڑ ءَ امن ءِ برجائی ءِ واستہ شیخ تمیم بن حمد الثانی ءِ سروکی ءَ گتر ءِ بے مٹیں کوشست آناں ساڑاھاں۔
