دوحہ ۔31 اکتوبر (اے پی پی) مزن وزیر محمد شہباز شریف ءَ گوشت کہ پاکستان ءَ کشت ءُ کشاری، انفارمیشن ٹیکنالوجی ءُ سیل ءُ سواد ءَ ھوار جتا جتائیں اقتصادی شوبگ آنی تہ ءَ جوانیں سرمایہ کاری ءِ موہ است انت۔ پنچ شمبے ءِ روچ ءَ مزن وزیر کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ اے ھیالانی درشانی گتر ءِ مزن وزیر شیخ محمد بن عبدالرحمن الثانی ءَ گوں تران کنان ءَ کتگ اَنت۔ صنعت، توانائی ءُ دود ءُ ربیدگ ءِ تبادلہ ءَ ھوار دگہ پڑاں ھوار انت۔ آئی ءَ دوئیں ملک آنی نیام ءَ اقتصادی سیادی آناں گیش مھکم کنگ ءِ واستہ پاکستان ءِ جزم ءِ یک رندے پدا گوشت۔ مزن وزیر ءَ گتر ءَ پاکستانی آنی میزبانی کنگ ءِ پد ءَ گتر ءِ حکومت ءِ شگر ءُ منت گپت ءُ گوشت کہ ادا نندوکیں پاکستانی دوئیں ملک آنی دیمروئی ءِ تہ ءَ یک پُل ءِ کرد ءَ پیلو کنگ ءَ اَنت گند ءُ نند ءِ ساھت ءَ دوئیں راہشون آنی نیام ءَ جھان ءُ دمگی جیڈھ آنی سر ءَ ھیال ریچی کنگ بوت ءُ آھاں آئی ءَ اے گپ ءِ سر ءَ تران کت۔ چیلنج آنی گیواری ءِ واستہ پرامن گیواری ءُ یکوئی کمک ءِ ضلورت ءِ سر ءَ زور پر دات۔ مزن وزیر شہباز شریف ءَ غزہ ءِ جیڈھ ءِ ھوالگ ءَ گتر ءِ اصولی موقف ءُ خطہ ءَ امن ءُ ایمنی ءِ دیمروئی ءِ واستہ آئی ءِ برجاھیں کوشست آناں ھم ساڑات۔ آئی ءَ جیڈھ ءِ گیواری ءُ غزہ ءِ اُلس ءِ جیڈھ آناں کم کنگ ءِ واستہ گتر ءِ انسانی کمکی گامگیج ءُ سفارتی کوشست آناں ھم ساڑات۔ میاں اوستمانی تک ءَ دیریں امن ءِ دیمروئی ءِ واستہ گتر ءِ ارزشت ءَ را منگ ءَ آئی ءَ گپ ءُ تران ءِ آسراتی ءِ رد ءَ گتر ءِ کرد ءَ را ساڑات ءُ دمگی جیڈھ آنی منصفانہ گیواری ءِ واستہ گتر ءِ اسٹریٹجک ارزشت ءَ را پدر کنان ءَ پاکستان ءِ گوما سیادی ءَ را مھکم کنگ ءِ واستہ وتی جزم ءِ درشان کت۔ گتر ءِ اقتصادی دیمروئی ءُ دمگی استحکام ءِ رھبند ءِ رد ءَ ھوار اِنت۔ گتر ءِ مزن وزیر ءَ اوگانستان ءَ ھوار خطہ ءَ امن ءُ ایمنی ءِ دیمروئی ءِ واستہ پاکستان ءِ گوما یکجائی ءَ کار کنگ ءِ جزم ءِ ھم درشان کت۔ دوئیں رہشون آں وت مہ وتی کمک ءَ را گیش کنگ ءُ دیمروئی ءِ نوکیں شوبگ آنی پجارینگ ءِ واستہ مزن تک ءِ تبادلہ ءِ برجاہ دارگ ءِ سر ءَ تپاک کتگ گند ءُ نند ءَ مزن وزیر شہباز شریف ءَ گتری سرمایہ کار آناں کشت ءُ کشاری، انفارمیشن ٹیکنالوجی ءُ سیل ءُ سواد ءِ تہ ءَ سرمایہ کاری ءِ دعوت داتگ۔ آئی ءَ گتر ءِ مزن وزیر ءَ را درملکی سرمایہ کار آنی واستہ سازگاریں چاگرد پجارینگ ءِ حکومت ءِ عزم ءُ حکمت عملی ءِ بابت ءَ سرپد کت۔ مزن وزیر محمد شہباز شریف ءَ گتر ءِ امیر ءُ مزن وزیر شیخ محمد بن عبدالرحمن الثانی ءِ گرمیں مہمانداری ءِ منت گپت ءُ گوشت کہ آئی ءِ تر ءُ تاب ءَ چہ پاکستان ءُ گتر ءِ نیام ءَ دوستی ءِ مھکمیں سیادی، وت مہ وتی شرپ واھگءُ کمک ءِ کار گیش بنت۔
