اسلام آباد۔ 31 اکتوبر (اے پی پی) اسپیکر قومی اسمبلی سردار ایا ز صادق ضلع بنوں ٹی خوارجی دہشت گرد آتا برخلاف انٹیلی جنس بیسڈ آپریشن اٹی 8 خوارجی تے جہنمی کننگ آ سیکورٹی فورس آتے خراج تحسین پیش کرسا پارینے کہ وطن نا دفاع نا خاطر جون تے ندر کروک آ سیکورٹی فورس آتا بہادر ورناتیا گمر کینہ ۔ پنچ شنبے نادے آ تینا بیان اٹی اسپیکر قومی اسمبلی آپریشن اٹی خوارجی دہشت گرد آتا برخلاف بہادری اٹ جنگ ترسا شہیدی نا جام ءِ نوش کروک میجر عاطف خلیل، لانس نائیک غضنفر عباس و نائیک آزاداللہ ءِ خراج عقیدت پیش کرے۔ اوشہید آتا خاہوت آتون ہڑزخواہی و ہمدردی نا درشانی ءِ کرے۔ اوپارے کہ شہید آتا خاہوت نا غم اٹی بریبرنا شریک اُٹ، قوم تینا جری گلزادہ غاتا قربانی تے اسُل است آن دپک، خوارجی دہشت گرد آک تینا ناپاک مسخت آتیٹی اسُل سرسہب مفسہ، دہشت گردی نا برخلاف جنگ اٹی مچ آ قوم سیکورٹی فورس آتون ہم کوپہ سلوک ءُ۔
