ریاض۔ 30 اکتوبر (اے پی پی) وزیراعظم محمد شہباز شریف سعودی عرب نا اِرادے ئی سرکاری دورہ ءِ پورو کرسا ریاض آن دوحہ، قطر آ روانہ مس۔ ریاض نا نائب گورنر شہزادہ عبدالرحمان بن عبدالعزیز شاہ خالد جہانی بالی پٹ آ وزیراعظم ءِ سپارا۔ چارشنبے نادے آ وزیراعظم آفس نا پریس ونگ آن جاری بیان نا رداٹ داوخت آپاکستان نا سعودی عرب اٹی سفیر احمد فاروق و پاکستان و …
وزیراعظم محمد شہباز شریف سعودی عرب نا اِرادے ئی سرکاری دورہ ءِ پورو کرسا ریاض آن قطر آ روانہ مس
ریاض۔ 30 اکتوبر (اے پی پی) وزیراعظم محمد شہباز شریف سعودی عرب نا اِرادے ئی سرکاری دورہ ءِ پورو کرسا ریاض آن دوحہ، قطر آ روانہ مس۔ ریاض نا نائب گورنر شہزادہ عبدالرحمان بن عبدالعزیز شاہ خالد جہانی بالی پٹ آ وزیراعظم ءِ سپارا۔ چارشنبے نادے آ وزیراعظم آفس نا پریس ونگ آن جاری بیان نا رداٹ داوخت آپاکستان نا سعودی عرب اٹی سفیر احمد فاروق و پاکستان و سعودی عرب نا بڑزکو سفارتی آفیسر و کارندہ غاک ہم ساڑی ئسر۔ وزیراعظم ریاض اٹی ہشت می فیوچر انویسٹمنٹ انیشی ایٹیو (ایف آئی آئی) ٹی بشخ ہلک و تران ہم کرے۔ وزیراعظم فورم اٹی پاکستان نا زرکاری نا کچ و حکومت نا کنڈآن زرگزرانی اصلاحات وکاروباری و زرکاری نا آسراتی کن چست کروک گام گیج آتے تالان کرے۔ وزیراعظم نا بڑزکو سعودی سرکڑدہ خاص کر ولی عہد سعودی عرب محمد بن سلمان بن عبدالعزیز آل سعود تون ہم ہڑتوم آ کنڈآتا اوڑدہی مس ہراڑے او ہڑتوم آملک آتا نیام اٹ ہڑتوم آ کنڈآتا تعلقداری تے پین مون آ دننگ آ گپ وتران کرے۔ وزیر دفاع خواجہ محمد آصف، وزیرخزانہ محمد اورنگزیب، وزیر نجکاری عبدالعلیم خان، وزیر پیٹرولیم ڈاکٹر مصدق ملک، وزیر واپار جام کمال خان و وزیر حوالکاری و شینکاری عطاء اللہ تارڑئسک ہم وزیراعظم تون اوار ئسر۔
