وزیراعظم محمد شہباز شریف 30 آن 31 اکتوبر اسکان قطر انا سرکاری دورہ ءِ کیک، ترجمان دفترخارجہ

اسلام آباد۔ 30 اکتوبر (اے پی پی) وزیراعظم محمد شہباز شریف امیر قطر شیخ تمیم بن حمد الثانی نا سلہ غا 30 آن 31 اکتوبر اسکان قطر انا سرکاری دورہ ءِ کیک۔ ترجمان دفترخارجہ نا کنڈآن چارشنبے نادے آ جاری بیان نا رداٹ وزیراعظم دوحہ ٹی قطر انا امیر شیخ تمیم بن حمد الثانی ، وزیراعظم/وزیر امور خارجہ محمد بن عبدالرحمان بن جاسم الثانی تون ہڑتوم آکنڈآتا اوڑدہی کیک۔ دا اوڑدہی تیٹی ہڑتوم آ فریق ہڑتوم آکنڈآتا تعلقداری نا غٹ پلو آتا جاچ ءِ ہلیرہ و خاص وڑاٹ واپار و زرکاری ٹی کمکاری نا پوسکن ءُ وارخواہی پٹرہ۔ قطر انویسٹمنٹ اتھارٹی و قطر بزنس مین ایسوسی ایشن نا قائدانہ کہول انا ڈل وزیراعظم تون پاکستان اٹی زرکاری نا وارخواہی پٹنگ کن اوڑدہی کیک۔ وزیراعظم 31 اکتوبر آ دودوربیدہ ئی نمائش’’منظر: آرٹ اینڈ آر کیٹیکچر پاکستان 1940آن داتم اسکان ‘‘ نا بناءِ ہم کیک۔ دانمائش پاکستان نا پبی دودوربیدہ ئی و تعمیراتی میرات نا نمائش ءِ کیک و پاکستان وقطر انا نیام اٹ الس تونالس نا رابطہ غاتے تالان کیک۔