مزن وزیر محمد شہباز شریف سعودی عرب ءِ دو روچی سرکاری تر ءُ تاب ءَ ریاض ءَ سر بوتگ

ریاض۔29اکتوبر  (اے پی پی):مزن وزیر محمد شہباز شریف سعودی عرب ءِ دو روچی سرکاری تر ءُ تاب ءِ واستہ ریاض ءَ شتگ۔ ریاض ءِ نائب گورنر شہزادہ عبدالرحمن بن عبدالعزیز ءَ مزن وزیر ءِ ریاض ءَ سر بوھگ ءِ پد ءَ آئی ءَ را وش اتک کت۔ ریاض ءِ بالی پٹ ءَ سعودی عرب ءَ پاکستان ءِ سفیر احمد فاروق ءُ پاکستان ءُ سعودی عرب ءِ مزنیں سفارتی افسر ءُ کارندہ ھم ساڑی اتنت۔ مزن وزیر کارگس ءِ پریس ونگ ءِ رد ءَ مزن وزیر 29اکتوبر ءَ چہ 31اکتوبر ءَ ریاض ءَ برجم دارگ بوھوکیں 8می آیوکیں سرمایہ کاری ءِ گامگیج ءَ بھر زوری کنت ءُ  گشتانک دنت۔ مزن وزیر شہباز شریف ءِ سعودی ولی عہد محمد بن سلمان ءَ گوں گند ءُ نند ءِ ھم گمان اِنت۔ اے تر ءُ تاب ءَ مزن وزیر ءِ ھمراھی ءَ وزیر دفاع خواجہ محمد آصف، وزیر ھزانگ محمد اورنگزیب، نجکاری ءِ وزیر عبدالعلیم خان، پٹرولیم ءِ وزیر ڈاکٹر مصدق ملک، تجارت ءِ وزیر جام کمال خان ءُ اھوالکاری ءُ نشریات ءِ وزیر عطا اللہ تارڑ  ھم ھوار انت۔