اسلام آباد۔29اکتوبر (اے پی پی):نائب مزن وزیرءُ دری کارانی وزیر سینیٹر محمد اسحاق ڈار ءَ چین پاکستان اقتصادی راہداری ءَ را چین ءِ نیمگ ءَ چہ پاکستان ءَ را یک وشیں سوگات ءِ لیک اِتگ ءُ گوشت کہ پاکستان ءَ اے منصوبگ ءَ را دیم ءَ برگ لوٹ ایت کمک ءَ را گیش وسعت دیگ ءِ ھاترا پابند اِنت۔ کشت ءُ کشاری، صنعتی کنگ، قابل تجدید توانائی ءُ ایندگر شوبگ آنی تہ ءَ پاکستان کشمیر ءُ فلسطین ءَ ھوار دیریں جیڈھ آناں گیواری ءِ تہ ءَ چین ءِ کمک ءَ را ارزشت دنت ءُ یک چین ءِ پالیشی ءِ واستہ پاکستان ءِ کمک ءَ را پدا زور دئیگ بہ بیت۔ آئی ءَ اے ھیالانی درشانی سئے شمبے ءِ روچ ءَ ادا ’’چین 75سال ءِ تہ ءَ: دیمروئی، بدلی ءُ گلوبل لیڈر شپ ءِ سفر‘‘ ءِ میاں اوستمانی کانفرنس ءَ گوں تران کنان ءَ کت۔ آئی ءَ گوشت کہ سی پیک چین ءُ پاکستان ءِ کمک ءِ علامت بوھگ ءِ سوب ءَ لوڈ شیڈنگ ءِ جیڈھ آں گوں گر ءُ چیل بوھگ ءِ واستہ ملکی توان ءِ بنیاتی ڈھانچگ ءَ را گہتر کنگ ءِ واستہ الس آنی کمک کتگ۔ آئی ءَ گوشت کہ حکومت ءَ زرعی ٹیکنالوجی ءِ تربیت ءِ واستہ یک ہزار نودربر چین ءَ روان دیگ ءِ چینی آفر ءِ سر ءَ عمل کنگ ءِ واستہ کار کتگ۔ آئی ءَ گوشت کہ پاکستان کشمیر ءُ فلسطین ءَ ھوار دیریں جیڈھ آنی گیواری ءَ چین ءِ کمک ءَ را ارزشت دنت ءُ یک چین پالیشی ءِ واستہ پاکستان ءِ بے دروریں کمک ءِ یک رندے پدا گوشت۔ نائب مزن وزیر ءَ گوشت کہ آزمائشی دوست بوھگ ءِ سوب ءَ چین ءُ پاکستان ءَ قدرتی آفت، اقتصادی اڑاند ءُ جیو پولیٹیکل بدلی آنی وھد ءَ ھم یک ءِ دومی ءِ کمک کتگ۔ نائب مزن وزیر سینیٹر اسحاق ڈار ءَ چین ءِ دیمروئی ءِ سفر ءِ توسیپ کت ءُ گوشت کہ گوستگیں 75سال آنی تہ ءَ چین ءَ ھاسیں سنگ میل آنی تہ ءَ چہ دیم ءَ شتگ ءُ یک جوانیں دگنیا ءِ واستہ ھم وتی کرد ءَ پیلو کنگ ءَ اِنت، چینی سروکی ءُ الس آنی جزم ءُ لیبر ءِ حوالہ ءَ آئی ءَ امیت کت کہ۔ چین وھد ءِ سر ءَ مزنیں معیشت جوڑ بوتگ ات۔ آئی ءَ گوشت کہ چین ءَ خلائی ریسرچ ءَ چہ مصنوعی ذہانت، میڈیکل سائنس، گرین ڈویلپمنٹ ءُ ایڈوانسڈ ٹیکنالوجی ءَ تاں 17 ٹریلین ڈالر ءَ چہ گیش جی ڈی پی ءِ گوما مزنیں جھان ءِ معیشت جوڑ بوھگ ءِ واستہ مزنیں بدلی ءِ مول ءُ مراد سرجم کتگ۔ آئی ءَ کثیر جہتی سفارتکاری ءِ کرد ءَ را مھکم کنگ ءَ ابید جہانی سیاسی ءُ اقتصادی پڑ ءَ امن ءُ ایمنی ءِ واستہ چین ءِ کرد ءَ را ھم ساڑات۔ نائب مزن وزیر ءَ گوشت کہ پاکستان ءَ ایس سی او ءِ دیوان ءِ سوبمندیں میزبانی کت ایشی ءَ را چین ءُ روس ءِ مزن وزیر ءَ ھوار بھر زوروکیں سروک آنی نیمگ ءَ ساڑاتگ۔ نائب مزن وزیر ءَ حکومت ءِ نیمگ ءَ چہ ڈاکٹر عافیہ صدیقی کیس ءِ معاف کنگ ءِ واستہ امریکی سروکی ءَ را دلجم کنگ ءِ کوشست آنی ذکر کت کہ اے کوشست سوبمند ثابت نہ بوت کنت۔ آئی ءَ گوشت کہ مزن وزیر محمد شہباز شریف ءَ امریکی صدر ءَ را نمدی دیم داتگ ایشی ءِ تہ ءَ ڈاکٹر عافیہ صدیقی ءِ انسانی معافی ءِ لوٹ کتگ چیاکہ امریکی صدر عمومی رنگ ءَ وتی اگدہ ءَ چہ درآھگ ءَ پیسر لھتیں معافی دینت۔ آئی ءَ گوشت کہ کانگریس ءِ امریکی باسک آنی گوما گند ءُ نند ءِ واستہ سئے باسکی کمیٹی جوڑ کنگ بوتگ، آ ڈاکٹر عافیہ ءِ معافی، یلہ کنگ ءُ پاکستان ءَ واتر بوھگ ءِ واستہ لابی کنت۔ غزہ ءَ اسرائیل ءِ ظلم ءُ زوراکی ءِ ھوالگ ءَ آئی ءَ گوشت کہ پاکستان ھما ملک آنی تہ ءَ ھوار انت کہ آئی ءَ فلسطینی اُلس ءُ نسل کشی ءِ ترندیں ھلاسی ءُ اقوام متحدہ ءِ سلامتی کونسل ءِ قرارداد ءُ آئی سی جے ءِ فیصلہ آنی پجّار ءَ وتی توار چست کتگ ۔ نفاذ ءِ لوٹ کنگ بیت۔ محمد اسحاق ڈار ءَ گشتگ کہ 48 ہزار بے گناہیں فلسطینی شہید کنگ بوتگ انت ءُ 80 ہزار ٹپی بوتگ انت کہ ایشانی تہا گیشتر زالبول ءُ چک انت۔ لبنان ءُ ایران ءَ بوتگیں اُرش آنی سر ءَ جیڈھ ءِ درشان کنان ءَ نائب مزن وزیر ءَ گوشت کہ پاکستان ءَ امدادی سامان آنی 10 مزنیں کھیپ غزہ ءُ فلسطینی میڈیکل نودربر آناں پاکستان ءِ سرکاری ءُ نجی میڈیکل کالج آنی تہ ءَ وانگ ءِ سرجم کنگ ءِ واستہ روان داتگ ، ایشانی میزبانی بندات کتگ۔
