حیدرآباد ۔29اکتوبر (اے پی پی):سندھ زرعی یونیورسٹی ءِ انسٹی ٹیوٹ آف فوڈ سائنس اینڈ ٹیکنالوجی ءِ شعبہ ءِ ایسوسی ایٹ پروفیسر ڈاکٹر تاسین فاطمہ میانوکی ءِ موز ءِ پٹ ءُ پول ءِ سرا نبشتہ کتگیں کتاب “موز ءِ پنت ءُ شون” چاپ ءُ شنگ بوتگ۔ کتاب ءِ دیم درائی مراگش سندھ ایگریکلچرل یونیورسٹی ٹنڈو جام ءَ بوت۔ اسٹوڈنٹ ٹیچر انگیجمنٹ پروگرام ءِ کمک ءَ نبشتہ کتگیں اے کتاب ءِ دیمدرائی وائس چانسلر ڈاکٹر فتح مری، ایف اے او سندھ ءِ کارگس ءِ سروک جیمز رابرٹ اوکوتھ ءُ جتا جتائیں ڈین آنی نیمگ ءَ کمک ءَ بوتگ۔ اے موہ ءِ سر ءَ سندھ زرعی یونیورسٹی ءِ وائس چانسلر ڈاکٹر فتح مری ءَ گوشت کہ سندھ زرعی یونیورسٹی آیوکیں نسل آنی واستہ فوڈ سیکیورٹی ءِ ھوالگ ءَ جیڈھ آنی گیواری ءِ واستہ وتی کارندہ آنی وسیلگ ءَ نوکیں پٹ ءُُ پول ءِ سر ءَ تکیہ کنگ ءَ انت ءُُ اے کتاب ھاسیں رنگ ءَ فوڈ ٹیکنالوجی ءِ بابت ءَ انت۔ اے کتاب نودربر، پیشہ ور ءُ نجی شعبہ ءِ سرمایہ کارانی واستہ کارآمد بیت۔ فیکلٹی آف ایگریکلچرل انجینئرنگ ءِ ڈین ڈاکٹر الطاف علی سیال ءَ گوشت کہ کشت ءُ کشاری پیداوار آنی تجارتی بنیات ءِ سر ءَ دیمروئی دیگ ءِ واستہ گیش پٹ ءُ پول ءُ نوکیں منصوبگ آنی ضلورت اِنت۔ کتاب ءِ تہا ہواریں نسخہ فوڈ سیکٹر ءِ ھاتر ءَ نوکیں ٹیکنالوجی ءُُ فوڈ پروڈکٹس ءِ دیمروئی ءَ کارآمد بنت۔ ایف اے او سندھ ءِ سروک جیمز رابرٹ اوکوتھ ءَ ایف اے او ءِ اکیڈمیا ءِ گوما کمک ءِ بابت ءَ تفصیل داتگ کہ ایشی ءِ مول ءُ مراد پائیدار زراعت ءِ فوڈ سسٹم ءِ کمک اِنت، کتاب ءِ نبشتہ کار ءُ انسٹی ٹیوٹ آف فوڈ سائنسز اینڈ ٹیکنالوجی ءِ ہمراہ پروفیسر تحسین فاطمہ میانو ءَ گشتگ کہ یک مزنیں کساسے ءَ چہ گیش انت۔ موز ءِ چپس ءُ مورنگا پاؤڈر ءُ جتا جتائیں چیزانی واستہ مارکیٹ ءِ تہا لوٹ ءُ گنجائش ، کہ شہری ءُ میتگ ءِ زالبولانی واستہ بازیں کسانیں پیمانہ ءِ کاروباری موہ پیداک کت کنت گشتگ کہ نسخہ کتاب ءِ تہا ہواریں نسخہ سادہ ءُ فہم انداز ءَ نبشتہ کنگ بوتگ انت ، تاکہ . ہر عمر ءِ مردم، خاص کر چُک، وشیں ورگ تیار کن اَنت 27 نسخہ اَنت ءُ اے اولی کتاب اِنت کہ یونیورسٹی ءِ پڑ ءَ نبشتہ کنگ بوتگ۔ڈین آف اینیمل ہسبنڈری اینڈ ویٹرنری سائنسز ڈاکٹر غیاث الدین شاہ راشدی ءَ گوشت کہ موز ءَ استیں مائیکرو بئوٹرینٹس آنی سبب ءَ چہ ھمک امبر ءِ مردم آنی وستہ جتا جتائیں وردنی سیت است انت۔ اے موہ ءَ یونیورسٹی ایڈوانسمنٹ اینڈ فنانشل اسسٹنس ءِ ڈائریکٹر ڈاکٹر محمد اسماعیل کنبھر، اورک ءِ ڈائریکٹر پروفیسر ڈاکٹر تنویر فاطمہ میانو ءُ ایندگر آں گشتگانک دات، اے موہ ءَ مورنیگا ءَ چہ تیار کتگیں جتائیں جتائیں سٹال ھم جنگ بوت۔
