اسلام آباد۔29اکتوبر (اے پی پی):بنجاھی وزیر برائے منصوبگ بندی، دیمروئی، گہتری کار ءُ ھاسیں گامگیج پروفیسر احسن اقبال ءَ گوشت کہ معذور آناں یک وڑیں موہ پجارینگ حکومت ءِ اولی ترجی آنی تہ ءَ یک انت۔ ءِ بابت ءَ کانفرنس ءَ گوں تران کنان ءَ کانفرنس ءِ تہ ءَ سرکاری کارندہ، اقوام متحدہ ءِ نمائندگ ءُ چاگردی پڑ ءِ کلیدی سٹیک ہولڈر آنی بھر زوری بوتگ۔ منصوبہ بندی ءِ بنجاھی وزیر پروفیسر احسن اقبال ءَ معذوریں مردم آناں یک وڑیں موہ پجارینگ حکومت ءِ اولی ترجی ءِ جار جتگ آئی ءَ گوشت کہ پاکستان ءِ دیمروئی ءِ واستہ انسانی دیمروئی بنیاتی اِنت۔ آئی ءَ وژن 2025 ءُ وژن 2010 ءِ چیر دستی ءَ انسانی دیمروئی ءُ برابری ءِ موہ آنی پھجارینگ ءِ حکومت ءِ عزائم آنی سر ءَ پدا زور پر دات۔ احسن اقبال ءَ امن، سیاسی استحکام، پالیسی آنی تسلسل ءُ دائمی اصلاحات ءَ را پائیدار دیمروئی ءِ واستہ ھاسیں ستون لیک اتگ۔ آئی ءَ گوشت کہ اے ستون وژن 2025 ءِ چیر دستی ءَ راجی حکمت عملی ءِ تہ ءَ ھوار کنگ بوتگ اَنت۔ آئی ءَ معذوریں نودربر آنی واستہ الیکٹرک وہیل چیئر ءِ پھجارینگ ءُ وانگ ءُ زانگ ءِ ادارگ آنی تہ ءَ ریمپ ءُ ایندگر آسراتی آنی دستیابی ءِ منصوبگ ءِ سر ءَ زور پر دات۔ آئی ءَ گیش گوشت کہ کھنسا ماریا ءِ وڑیں باصلاحیتیں نودربر کہ آئی ءَ را روڈس اسکالرشپ رستگ آ دگہ معذوریں مردم آنی واستہ ھمت ءِ علامت انت پروفیسر احسن اقبال ءَ اقوام متحدہ ءِ حکمت عملی ءِ گوما ھمگرنچی ءِ ذکر کتگ ءُ گوشت کہ حکومت اے پابند انت۔ پنچ آسانیں چارچوب ءِ چیر دستی ءَ ہر شہری ءَ را برابریں موہ دیگ ءِ ھاترا۔ آئی ءَ پاکستانی چاگرد ءَ چہ اپیل کت کہ آ ہر یک مردمے ءِ پوشیدہ صلاحیت ءَ را بہ من ایت ءُ ہمے وھد ءَ معذوری ءَ را دیمروئی ءِ رکاوٹ ءِ رنگ ءَ مہ لیک ایت۔ معذوریں نودربر آناں الیکٹرک وہیل چیئر بھر ءُ بانگ ءِ حکومت ءِ منصوبگ ءِ ھوالگ ءَ آئی ءَ گوشت کہ اے پروگرام ءَ چہ معذوریں نودربر آزاد رنگ ءَ کتابجاہ، کلاس روم ءُ لیبارٹری آنی تہ ءَ سر بوھگ ءِ موہ رستگ اَنت۔ اے منصوبگ ءِ رد ءَ یونیورسٹی آناں ہدایت کنگ بوتگ کہ آ معذوریں نودربر آنی آسراتی ءِ واستہ ریمپ ءُ دگہ آسراتی ءِ پھجارینگ ءَ بہ کن اَنت تانکہ آ وانگ ءُ زانگ ءِ پڑ ءَ یک وڑیں موہ ءِ رسگ ءَ بندات کنگ بوتگ کہ گوستگیں 4 سال ءَ چہ بند بوتگ ات۔ راجی تک ءَ معذوریں ورنا آنی سوبمندی آناں منگ ءَ ، کھنسا ماریا ءِ نام گرگ ءَ کہ آکسفورڈ یونیورسٹی ءَ روڈس اسکالرشپ زرتگ ءُ آئی ءَ را پاکستان ءِ حکومت ءِ نیمگ ءَ چہ آئی ءِ غیر معمولی توانائی آنی سبب ءَ سول ایوارڈ ھم دیگ بوتگ۔ آئی ءَ گوشت کہ اے رنگیں باصلاحیتیں مردم پاکستان ءِ معذوریں ورنا آنی دلیری ءُ جزم ءِ ثبوت انت ءُ معذوریں مردم آناں ھوار کنگ ءِ دیمروئی ءِ واستہ اقوام متحدہ ءِ کمک ءِ منت گپت کنان ءَ پروفیسر احسن اقبال ءَ گوشت کہ اقوام متحدہ ءِ گوما حکومت ءِ عزم سرجمی ءَ گوں ھمگرنچ انت۔ ئے حکمت عملی ئا گوں آئی ءَ گیش گوشت کہ اے حکمت عملی حکومت ءِ پنچ آسانی فریم ورک ءِ رد ءَ اِنت کہ ایشی ءِ مول ءُ مراد ھر شہری ءَ را یک وڑیں موہ دیگ اِنت۔ پروفیسر احسن اقبال ءَ گوشت کہ اے مئے انسانی، اخلاقی ءُ راجی فرض انت کہ جسمانی معذوری ءِ سبب ءَ ھچ شہری پشت مہ کپ ایت بنجاھی وزیر ءِ منصوبہ بندی ءَ وژن 2025 ءِ حوالہ ءَ گوشت کہ برابری ءِ دیمروئی ایوک ءَ حکومت ءِ اولویت نہ انت۔ اے راجی اقتصادی ایجنڈا ءِ یک ھاسیں ستونے ھم اِنت۔ آئی ءَ گوشت کہ مئے مول ءُ مراد یک برابر چاگرد پجاری کنگ انت کہ اودا ھمک شہری ملک ءِ دیمروئی ءَ سرجمی ءَ بھر زوری بہ کنت۔ آئی ءَ اقوام متحدہ ءِ حکمت عملی ءَ را راجی مول ءُ مراد ءِ رنگ ءَ زورگ ءِ حکومت ءِ عزم ءِ پدا زور دات آئی ءَ گوشت کہ داں وھد ءَ یک مردمے واب گندگ ءَ انت، وتی توانائی ءِ سر ءَ باور کت کنت ءُ دیم ءَ روگ ءِ ارادہ داریت، معذوری دیمروئی ءِ راہ ءَ بند بوت نہ کنت۔
