اسلام آباد۔ 29 اکتوبر (اے پی پی) بنجائی وزیر داخلہ محسن نقوی اورکزئی نا علاقہ ٹی پولیو ٹیم آ دہشت گرد آتا جلہو نا ترند انگا لوز آتیٹی مذمت ءِ کرسا پارینے کہ شہید پولیس کارندہ غاک جیرت اٹ مقابلہ کرسا دہشت گرد آتاناپاک عزم ءِ بے سہب کریر۔ سے شنبے نادے آ تینا بیان اٹی وزیرداخلہ محسن نقوی دہشت گرد آتا بہادری اٹ مقابلہ ءِ کرسا شہید مروک آ 2 پولیس کارندہ غاتے خراج عقیدت پیش کرے۔ وزیرداخلہ محسن نقوی 3 دہشت گرد آتے جہنمی کننگ آ پولیس کارندہ غاتے خراج تحسین پیش کرے۔ وزیرداخلہ محسن نقوی پارے کہ شہید پولیس کارندہ غاک تینا زندءِ ندرکریر ولے پولیو ٹیم آ آنچ بننگ کن الیتور۔ پولیو ٹیم انا رکھ آ سلوک شہید مروک آ پولیس کارندہ غاک قوم انا ہیروک ءُ۔ دہشت گرد آتا پولیوٹیم آ جلہو پاکستان نا رکھوک آخبت آ جلہو ءِ۔ قوم بہادر پولیس کارندہ غاتے سلام پیش کیک۔
