اسلام آباد۔ 29 اکتوبر (اے پی پی) بنجائی وزیر داخلہ محسن نقوی پنجگور نا تحصیل پروم اٹی تعمیراتی کمپنی نا کیمپ آ جلہو نا مذمت ءِ کرسا پارینے کہ کودک مخلوق آ جلہو کروک آ زموار آک ہچ ءُ رعایت اسے نا حقدار افس۔ سے شنبے نادے آ تینا بیان اٹی وزیرداخلہ محسن نقوی 5 بندغ آتا زوال کننگ نا واقعہ غا است ہسونی نا درشانی ءِ کرے۔ وزیرداخلہ محسن نقوی زوال کروک آ بندغ آتا خاہوت آتون ہمدردی و ہڑزخواہی نا درشانی ءِ کرے۔ وزیرداخلہ محسن نقوی ٹھپی بندغ نا زوت دراخ جوڑی کن دعاکرے۔ وزیرداخلہ محسن نقوی پارے کہ ریاست داوڑنا زموار آتون سختی اٹ مون ایتک و جلہو گیر آتے کانود نا گرفت اٹ اتنگک۔
