اسلام آباد۔ 29 اکتوبر (اے پی پی) بنجائی وزیر داخلہ محسن نقوی جمہوریہ ترکیہ نا سرکڑدہ و الس ءِ مبارکبادی ترسا پارینےکہ ترکیہ نا حکومت و الس کن نیک است خواہیک ءُ، پاکستان واونا الس جمہوریہ ترکیہ نا الس نا خوشی تیٹی بریبر نا شریک ءُ۔ سے شنبے نادے آ تینا بیان اٹی اوپارے کہ ترکیہ صدر رجب طیب اردوان نا کماشی ٹی عملی وڑاٹ پائیدار شونداری کرینے، ترکیہ نا الس نا شونداری و شونہالی ایلو ملک آتیکن رول ماڈل اسے۔ بنجائی وزیر داخلہ پارے کہ جمہوریہ ترکیہ نا ترند رفتار شونداری نا کریڈٹ صدر رجب طیب اردوان و اونا ٹیم ءِ کاہک۔ بنجائی وزیر داخلہ محسن نقوی پارےکہ ساڑی آ دورہ ءِ ترکیہ ٹی ہڑتوم آکنڈآتا تعلقداری تے مون آدننگ کن فائدہ ئی گپ وتران مس۔ اوداہیت آ زور شاغا کہ پاکستان ءِ جمہوریہ ترکیہ تون سوگو سنگتی آ نازءِ۔
