کوئٹہ ۔ 29 اکتوبر (اے پی پی) وزیراعلیٰ بلوچستان میر سرفراز بگٹی نا پروم اٹی سم کاری نا واقعہ نا مذمت ءِ کرسا پارینے کہ داواقعہ قابل مذمت ءِ، شونداری وامن نا مخالف ملک دشمن زموار آتے بلوچستان اٹی امن و شونداری اوفتا خن تیٹی سُرنگ ءِ۔اوپارے کہ دہشت گرد آتے تینا ناپاک مسخت آتیٹی اسُل سرسہبی ملنگ کپک، دہشت گرد آک لغور ءُ ہرافک نن نا تہاری ٹی کودک بندغ آتے شست کریر۔ دہشت گرد آتے اِلیپنہ، ناحق خون انا حساب ءِ تروئی مریک، اوار دہشت گرد آتے ایسر اسکان سرکننگک۔ وزیراعلیٰ بلوچستان شہید بندغ آتا پدسلوک آتون است ہسونی نا درشان، صبر وجمیل نا دعاکرے و ٹھپی تا زوت دراخ جوڑی کن نیک است خواہی نا درشانی ءِ کرینے۔
