وزیراعظم شہباز شریف نا ضلع پنجگور نا علاقہ پروم اٹی ڈیم آ کاریم کروک آ کارندہ غاتیا جلہو نا مذمت

ریاض۔ 29 اکتوبر (اے پی پی) وزیراعظم محمد شہباز شریف ضلع پنجگور نا علاقہ پروم اٹی ڈیم آ کاریم کروک آ کارندہ غاتیا جلہو نا ترند انگا لوز آتیٹی مذمت ءِ کرسا جلہو اٹی اوار بندغ آتا پیدواری ءِ کرسا وفتے قرارواقعی سزا ترفنگ و ٹھپی مروک آ اِرا بندغ آتے گچین طبی آسراتی فراوان کننگ نا پارت کرینے۔ سے شنبے نادے آ  وزیراعظم آفس نا میڈیا ونگ آن جاری بیان نا رداٹ وزیراعظم محمد شہباز شریف ضلع پنجگور نا علاقہ پروم اٹی ڈیم آ کاریم کروک آکارندہ غاتیا جلہو نا ترند انگا لوز آتیٹی مذمت ءِ کرینے۔ اوجلہو اٹی ٹھپی مروک آ  اِرا بندغ آتے گچین طبی آسراتی فراوان کننگ نا پارت کرینے۔ وزیراعظم جلہو اٹی اوار بندغ آتا پیدواری ءِ کرسا اوفتے قرارواقعی سزاترفنگ نا ہم پارت کرینے۔ وزیراعظم پارے کہ ڈیم آ کاریم کروک کارندہ غاتیا جلہو کروک آ پاکستان و بلوچستان نا شونداری نا دشمن ءُ، داوڑنا شرپسند زموار آتا پاکستان اٹی  ہچ  ءُ جاگہ اس اف۔ اوپارے کہ شرپسند زموار آک تیان لغوری کارروائی تے اٹ بلوچستا ن نا شونداری نا حکومتی عزم ءِ متزلزل کننگ کپسہ۔ وزیراعظم جلہو اٹی زوال کروک آ 5 بندغ آتا درجہ غاتا بڑزی و خاہوت کن صبر وجمیل نا دعاکرے۔