جمہوریہ کرغزستان، فلسطین، جمہوریہ کوریا، ازبکستان، قازقستان ءُ جمہوریہ ترکی ءِ سفیر آنی نیمگ ءَ صدر آصف علی زرداری ءَ  را وتی  سفارتی  سند آناں پیش  کتگ

اسلام آباد۔28اکتوبر  (اے پی پی):ایوان ءِ صدر ءَ برجم داشتگیں مراگش ءِ ساھت ءَ صدر آصف علی زرداری ءَ را کرغزستان، فلسطین، جمہوریہ کوریا، ازبکستان، ایران ءُ  جمہوریہ ترکی ءِ سفیر آنی نیمگ ءَ سفارتی اسناد پیش کنگ بوت۔ گس ءِ صدر ءِ پریس ونگ ءِ رد ءَ نامینتگیں سفیر آنی گوما صدر ءِ مملکت ءَ جتا جتا گند ءُ  نند ھم کتگ۔ اے موہ ءِ سر ءَ صدر ءِ مملکت ءَ سفیر آناں پاکستان ءَ گچینکاری ءِ پد ءَ مبارک بات دات۔ صدر  مملکت  ءَ را جمہوریہ کرغزستان ءِ نامینتگیں سفگیر  اواز  بیک  اتاخانوف،  فلسطین   ءِ نامینتگیں سفیر  ڈاسکٹر  زوہیر محمد حمد اللہ  زید،  جمہوریہی  کوریا ءِ نامینتگیں سفیر  چوچانگ  مین،  ازبکستان    ءِ نامینتگیں     ہائی کمشنر   علی شیر تختائی، کینیا ءِ نامینتگیں ہائی کمشنر   لیفٹیننٹ  جنرل  (ر)    پیٹر مبو گونجیر  و   ءُ ترکی  ءِ  نامینتگیں    سفیر  عرفان نزیر  اوگلو  ءَ   وتی سند  پیش کت انت۔  نامینتگیں سفیر آں صدر  مملکت ءَ گوں  جتا جتائیں   گند ءُ نند  ھم کت۔  اے موہ ءَ صدر  مملکت    ءَ امیت     سہرا کت  کہ نوکیں  در ملکی سفیر  پاکستان ءِ   گوما  تجارت،  معیشت    ءُ   دود ءُ ر بیدگ  ءِ  شوبگ آنی تہ ءَ وت مہ وتی    سیت مند  ءُ دو نیمگی  یکوئی آناں  گیش گہتر   جوڑ کنگ ءَ وتی  کرد ءَ را  پیلو  کنت  انت۔  ایشی ءَ چہ  پیسر     سفیر آناں  ایوان    صدر   ءَ پجگ ءِ پد ءَ پاکستان ءِ سلاھ بندیں   ارد   آنی   ورنا  آں     گارڈ آف آنر  پیش  کت۔