اسلام آباد۔ 28 اکتوبر (اے پی پی) بنجائی وزیر زرکاری بورڈ و نجکاری و مواصلات عبدالعلیم خان سعودی عرب نا اسسٹنٹ منسٹر زرکاری ابراہیم المبارک تون ویڈیو لنک آ سرجمی اٹ گپ وتران کرے۔ دوشنبے نادے آ مروک آورچوئل اوڑدہی ٹی سعودی ڈل انا ساڑی آ دورہ ءِ پاکستان ءِ مون آ تخسا زرکاری نا امور ءِ مون آ دننگ نا جاچ ءِ ہلنگا۔ بنجائی وزیر سعودی وزیر زرکاری خالد بن عبدالعزیز الفالح نا مثبت ورندی نا ستاءِ کرے۔ دیوان اٹی چندی بشخ آتیٹی مروک آ پاک سعودی جوائنٹ وینچرز و ایم اویوز آ ہم گپ وتران کننگا۔ سعودی کمامدارآک بنجائی وزیر زرکاریءِ 25و26 نومبر آ سعودی عرب نا ایکسپوٹی بشخ ہلنگ نا سلہ ہم خلکر۔ بنجائی وزیرپارے کہ سعودی عرب آن پاکستان اٹی زرکاری کن ہرممکن کمکاری ءِ پک کننگک۔ اوپارےکہ سعودی وزیرخالد بن عبدالعزیز الفالح نا دورہ ءِ مون آ تخسا زرکاری ءِ ایسر اسکان سرکینہ، عمل نا قابل گام گیج آتیان زرکاری نا ایجنڈا ءِ پورو کننگک۔ دیوان اٹی سعودی کمامدارآک زرکاری ءِ برجاتخنگ آ است خواہی نا درشانی ءِ کریر و زرکاری کن فالو اپ دیوان ءِ برجاتخنگ و عملی نتیجہ اتنگ آامنا کننگا۔ سعودی عرب اٹی پاکستان نا سفیر احمد فاروق ہم ویڈیو لنک دیوان اٹی بشخ ہلک، بنجائی سیکرٹری کامرس و سیکرٹری پرائیوٹائزیشن کمیشن ہم ورچوئل دیوان اٹی ساڑی ئسر۔
