راولپنڈی۔ 20 اگست (اے پی پی) پاکستان سے شنبے نادے آ ڈغار آن ڈغار آ خلوک آ بیلسٹک میزائل شاہین۔ ٹو انا سرسہب آزموندہ کرے۔ دانا مسخت فوجی دستہ غاتا تربیت ، چندی تکنیکی پلو آتے پک و چندی ذیلی نظام تا کارکڑد نا جاچ ءِ ہلنگ ئس۔ آئی ایس پی آر نا رداٹ دا آزموندہ نا مشاہدہ ءِ اسٹریٹجک پلانز ڈویژن نا سینئر آفیسر، آرمی اسٹریٹجک فورسز کمانڈ نا آفیسر و سٹریٹجک تنظیم تا سائنسدان و انجینئرز آک کریر۔ ڈائریکٹر جنرل سٹریٹجک پلانز ڈویژن دامزل ءِ دوئی کننگ اٹ سائنسدان تا تکنیکی مہارت، لگن و عزم انا ستاءِ کرے۔ صدر مملکت ، وزیراعظم ، چیئرمین جوائنٹ چیفس آف اسٹاف کمیٹی و سروسز چیفس داسرسہبی آ سائنسدان و انجینئرآتے مبارکبادی تسر۔
