اسلام آباد۔ 20 اگست (اے پی پی) اسپیکر قومی اسمبلی سردار ایاز صادق پائلٹ آفیسر راشد منہاس شہید(نشان ءِ حیدر) ءِ خراج عقیدت پیش کرسا پارینے کہ راشد منہاس شہید بے مٹ بہادری و جیرت نا درشانی ءِ کرسا قوم انا کاٹم ءِ گمر اٹ بڑز کرے،قوم اونا قربانی و شجاعت ءِ مدام یات تخک۔ سے شنبے نادے آ اسپیکر قومی اسمبلی راشد منہاس شہید (نشان ءِ حیدر) نا 53 می شہیدی دے انا وخت آ تینا کلہو اٹی پارے کہ پائلٹ آفیسر راشد منہاس (نشان ءِ حیدر) ءِ خراج عقیدت پیش کیوہ۔ اووطن ءِ عزیز نا رکھ اکن تینا جون ءِ ندر کرے۔ اسپیکر پارے کہ ننا سلہہ بند فوج لمہ وطن نا خاطر بے مٹ قربانی تسنے۔ وطن عزیز نا دفاع کن ہروڑنا قربانی ایتنہ۔
