اسلام آباد۔ 20 اگست (اے پی پی) صدر مملکت آصف علی زرداری ملکی سلامتی کن جون ءِ ندر کرسا نشان ءِ حیدر ہلوک آ پائلٹ آفیسر راشد منہاس شہید ءِ اونا شہیدی دے آ شاندار لوز آتیٹی خراج عقیدت پیش کرینے۔ سے شنبے نادے آ ایوان ءِ صدر نا پریس ونگ انا رداٹ صدر مملکت تینا کلہو اٹی پارے کہ راشد منہاس شہید ملکی سلامتی کن جون ءِ ندر کرے، مچ آ قوم راشد منہاس شہید نا جوزہ ءِ شہیدی، حب الوطنی و قربانی تے سلام پیش کیک۔ صدر مملکت پارے کہ راشد منہاس شہید کون آ بہادر ورناتیا قوم گمر کیک، مچ آ قوم تینا شہید آتا احسان مند ءِ و او شہید آتا قربانی تے یات تخرہ۔ صدر مملکت راشد منہاس شہید نا درجہ غاتا بڑزی کن دعاکرے۔
