سی پیک  وڑیں  راجی  نمونگ ءِ دیمروئی  منصوبگ  آنی پد ءَ توامیں اسٹیک  ہولڈرز آناں سیاست  ءَ را  یک نیمگ ایر کنگ ءُ کار کنگ لوٹ ائیت، مزن وزیر  شہباز شریف 

لاہور۔4اگست (اے پی پی):مزن وزیر شہباز شریف ءَ گوشتگ کہ چین پاکستان ءِ کوھنیں  دوست انت  ایشاں وت مہ وت ھمک سکیں ساھت َ  پاکستان ءِ کمک  کتگ، چین پاکستان اقتصادی  راہداری  سی پک وڑیں راجی  نمونگ ءِ دیمروئی منصوبگ  آنی  رد ءَ توامیں اسٹک   ہولڈر  آناں  سیاست ءَ را یک نیمگ  ءِ  ایر کتگ ءُ کار کنگ لوٹ ائیت۔    مزن وزیر  میڈیا کارگس  ءِ  پریس ونگ ءِ نیمگ ءَ   یک شمبے  ءِ روچ ءَ  جاڑی بوتگیں بیان ءِ رد ءَ اے ھیالانی درشانی آءی ءَ    اھوالکار آنی ڈل ءَ گوں تران کنانءَ کت۔     مزن وزیر شہباز شریف    ءَ  گوں چین  ءِ سرکاری  ادارگ  ” چائنا پبلک  ڈپلومیسی   ایسوسی ایشن”   ءِ  دعوت  ءِ پد ء چین ءِ سرکاری   تر ءُ تاب ءَ  واپس  آیوکیں  اھوالکار  آنی  ھپت باسکی  ڈل ءَ گوں تران  کنان ءَ یک شمبے  ءِ روچ ءَ لاہور ءَ  گند ءُ نند  کت۔   مزن وزیر  ءَ استیں   چین ءِ  تر ءُ تاب  ءِ سروکی ءُ چینی الس آںی  نیمگ ءَ چہ   جوانیں مہمان  جھلی ءِ پد ءَ آوانی شگر ءُ منت واری  گپت   استیں چین ءِ تر ءُ  تاب  ءَ چہ  پد  تپاکی   یات  گیر   آنی سر ءَ دست چنگل جنگ بوت۔ آئی ءَ گوں اے  کار آنی وت نگرانی  ءَ کنگ ءَ آں۔  مزن وزیر  ءَ گوشت کہ پاکستان  ءَ  چینی  باشندگ آنی  سیکورٹی   ءِ واستہ   توامیں  اگامگیج آناں  دل  یکیمی  جوڑ کنگ  بوھگ ءَ انت۔  آئی ءَ گوشت کہ چین وڑیں کوھنیں دوست آنی گوما  یکوئی  ءِ    پد ءَ سیاست   کنگ   اچ رنگیں گنجاشک نیست  انت۔  سی پیک ءِ دومی   فیز  گوں ترندی ءَ    کار  بوھگ ءَ انت۔  مزن وزیر ءَ گوشت  کہ چینی  کلانہ  آں پاکستان  ءِ استیں  تر ءُ تان ءَ جتا جتائیں شوبگ آنی تہءَ  کمک آناں گیش دیمروئی       آناں گیش  پازیٹیو    آسر بوتگ۔   گند ءُ نند ءَ  بنجاھی وزیر  اھوالکاری   ءُ شنگ کاری  عطا اللہ  تارڑ  ھم  ساڑی ات۔  ڈل ءَ دنیا  نیوز   ءِ   سلمان  غنی، عامد میر  ،  ہم نیوز  ءِ شیراز حسن ،  روزنامہ  جنگ   ءِ خضر  حیات، ڈان  نیوز  ءِ خالد حسین،  یو نیوز ءِ اعظم  ملک  ءُ پاکستان  ٹیلی ویژن  ءِ مطیع لرحمان  شامل  اتنت۔   ڈل  ءِ  باسک  آں  مزن وزیر ءَ را وتی  چین ءِ تر  ءُ تاب  ءِ ھوالگ ءَ  تجروبت  ءُ پاک  چین یکوئی آنی ھوالگ ءَ  وتی  ھیال آنی ھوالگ  ءَ  سرپد  کت۔  ڈل ءَ وتی  چین  ءِ تر ءُ تاب  ءِ ساھت  بوتگیں گند ءُ نند  آنی  ھوالگ ءَ   سرپد کت  چین  پاکستان  ءِ گوما وتی  کوھنیں یکوئی آناں  سک  باز  شرپ ءُ ازت  دنت۔  ڈل ءَ مزن وزیر ءِ  سروکی ءَ حکومت   ءِ کاروبار  سرمایہ کار دوست  پالیشی   آنی پد ءَ  توسیپ  ءُ ستا  پیش کت۔