اسلام آباد۔4اگست (اے پی پی):کل جماعتی حریت کانفرنس آزات کشمیر ءُ پاکستان ءِ کنونیر غلام محمد صفی ءَ ڈل ءِ ھمبراھی ءَ کے پی کے گس ءِ تر ءُ تاب کت ءُ یوم استحصال ءِ ھوالگ ءَ پی ٹی آئی ءِ سروکی ءَ ھیال ریچی کت۔ اے موہ ءَ پاکستان تحریک انصاف ءَ کشمیری آنی آزاتی ءِ جہد ءُ کوشست ءَ را سرجمیں کمک ءِ درشان کت۔ ادا جاڑی بوتگیں بیان ءِ رد ءَ کے پی گس ءَ پجگ ءِ پد ءَ حریت کانفرنس ءِ ڈلءَ گوں دود ءُ دراھ کت۔ کنونیر کل جماعتی حریت کانفرنس غلام محمد صفی ءَ ھوار جنرل سیکرٹری پرویز احمد ایڈوکیٹ، سیکرٹری اھوالکاری مشتاق احمد بٹ، سید فیض نقشبندی، اعجاز رحمانی، راجہ خادم حسین، شیخ عبدالمتعین ، حسن البنا، محمد اشرف ڈار ءُ زاہد مشتاق ءَ اسلام آباد ءَ کے پی کے گس ءِ تر ءُ تاب کت۔ پی ٹی آئی پاکستان ءَ حریت سروک آں گوں گند ءُ نندکت۔ گند ءُ ندن ءِ ساھت ءَ کنونیر غلام محمد صفی ءَ کشمیر ءِ ھوالگ ءَ چہ تران کت ءُ گوشت کہ بھارت ءِ نیمگ ءَ چہ 5 اگست 2019 ءَ آرٹیکل 370 ءُ 35 اے ءِ لگت مالی کنگ بوتگ ایش یونائیٹڈ نیشن ءِ چارٹر ءُ میاں اوستمانی رھبند آنی ھلاپ انت۔ آئی ءَ لوٹ کت کہ اے جیڈھ ءَ را یونائیٹڈ نیشن بزاں میاں اوستمانی رھبند آنی رد ءَ گیش ءُ گیوار کنگ بہ بیت۔
