اسلام آباد۔4اگست (اے پی پی):کنٹرول لائن ءِ دوئیں نیمگ ءَ اسرجمیں دگنیا ءَ نندوکیں کشمیری 5 اگست ءَ یوم ءِ سیاہ برجام دارگ بیت، راجی اسمبلی ءَ وت مہ وتی تپاکی ءِ منظور کنائینگ بیت، کشمیر ءِ جتا جتائیں بھر آنی تہ ءَ سیمینار ، کانفرنس ءُ جاک بست ءُ بند کنگ بیت۔ اے دگنیا ءِ دیم ءَ بھارت ءِ زوراکیں لکاس ءَ را سہرا کنگ بیت ءُ 5 اگست 2019 ءَ بنی آدمی ھکم آنی ھلاپ کنوک آنی سلیں کار آناں سہرا کنگ بیت۔ کل جماعتی حریت کانفرنس ءَ بھارت ءِ گیر کانودی رنگ ءَ کشمیری سرڈگار ءِ نندوکیں مردم آنی سر ءَ زوراکی کنگ ءُ آھودے آباتی ءَ را مٹ کنگ ءِ جھد کنگ ءُ وتی ارد ءَ را زوراکی ءِ واستہ کشمیر ی الس آناں جنگ ءُ پروشگ ءُ کشگ ءِ واستہ یلو کنگ ۔ ھاسیں بستار آرٹیکل 370 ءَ را رد کنگ ءُ کشمیر ءَ را یک بنی آدمی بندی جاہ ءِ رنگ ءَ ڈکلیئر کنگ ءَ چہ کشمیر ی الس آنی دل ءَ ھما آجوئی ءِ واھگ ڈگار جنگ بوت نہ کنت۔ اے پی ایچ سی ءَ گوشتگ کہ 27 اکتوبر 1947 ءَ بھارت ءَ جموں کشمیر ءِ سر ءَ ارش کتگ ءُکشمیری الس آنی مرضی ءِ ھلاپ ءَ اے گیر کانودی کبزہ کتگ۔ آئی ءَ 5 اگست 2019 ءَ کشمیر ءِ سر ءَ یونائیٹڈ نیشن ءِ منوگری آنی ھلاپ کتگ کشمیر ءِ ھاسیں بستار ءَ را رد کتگ اے دمگ ءَ را بھارت ءِ گوما ھوار کتگ۔ حریت کانفرنس ءَ بنی آدمی ھک آنی پھریزوک آں گوں دزبندی کتگ کہ آ زمینی جاور ھال آنی چار ءُتپاسی ءَ بکن انت۔ اے ھاترا وتی ٹیمب کشمیر ءَ روان داتگ انت۔ ءُ کشمیر ءَ لس مردم آنی کوش ءِ ھوالگ ءَ چار ءُ تپاسی رپوٹ جم بکن انت۔ ترجمان ءَ گوشت کہ آر ایس ایس ءِ کمک ہندوتاوا حکومت ءَ 5 اگست 2019 ءَ بگر تاں انوگ ءَ تاں ہزارانی کشمیری آناں دزگیر کتگ۔ وھد ءِ نئی دہلی ءَ کشمیر ءِ ھاسیں بستار ءَ را رد کتگ ءُ دمگ ءَ فوجی چپ ءُ چاگرد کتگ۔ بھارت کشمیر آنی آجوئی ءِ پکوئیں جزم ءِ سزا دیگ ءِ واستہ زوراکی ءِ توامیں رپک آنی پد ءُ رند ءَ انت ءُ پبلک سیفٹی ایکٹ ءُ گیر کانودی چست ءُ ایر ایکٹ وڑیں ترندیں کانود کشمیری آناں مجبور کنگ ءِ واستہ کارمرز کنگ بیت۔
