اسلام آباد۔1اگست (اے پی پی):صدر مملکت آصف علی زرداری ءَ گوشتگ کہ ھاٹیگ ءِ گیش بوھوکیں نیام آں گوں گر ءُ چیل بوھگ ءِ واستہ سوبمندیں گیواری پول کنگ لوٹ ائیت، کیپسٹی چارجز آنی جیڈھ آناں گیواری کنگ ءِ واستہ کاروباری برات یک کمیٹی ءِ جوڑ بکن انت۔ کمیٹی ءِ شوبگ ھاٹیگ ءِ شوبگ ءِ گیواری ءِ وستہ صدر مملکت ءِ کارگس ءِ گوما یکجائی کار بکنت۔ ایوان ءِ صدر ءِ پریس ونگ ءِ رد ءَ صدر مملکت آصف علی زرداری ڈاکٹر گوہر اعجاز ءِ سروکی فیڈریشن آف پاکستان چیمبر آف کامرس اینڈ انڈسٹری ءِ ڈل ءَ گوں تران کنان ءَ کت۔ ڈل ءَ پنچ شمبے ءِ روچ ءَ ایوان ءِ صدر ءَ گوں گند ءُ نند کتگ بوتگ۔ گند ءُ نند ءَ تاجر ءُ 40 دمگی کاروباری گل آنی کارندہ آں بھر زوری کت۔ صدر مملکت آصف علی زرداری ءَ گوشتگ کہ صدر مملکت ءِ کارگس کاروباری برات آنی کمیٹی ءِ گوما ھمک رنگیں کمک بکنت۔ حکومت، الس ، تاجر برات ءُ پیداواری کمپنی آں ھوار درستانی گوما سوبمندیں گیواری پول کنگی انت۔ استیں گیواری کنگ بہ بیت تانکہ کجام ھم سسٹیک ہولڈر آناں توان مہ بیت۔ صدر ءَ گوشت کہ پاکستان ءِ کاروباری ادارگ آنی جیڈھ آناں سئیگ ءُ سرپد بکن ات۔ آئیءَ گوشت کہ ھاٹیگ ءِ قیمت آنی تہءَ کمی آرگ ءِ واستہ ھاٹیگ ءِ شوبگ ءَ را گہتری ءِ ضلورت انت۔ اعجاز گوہر ءَ گوشت کہ صدر ءَ گوں دزبندی انت کہ ھاٹیگ ءِ قیمت آنی جیڈھ ءَ پینگ بہ جنت۔ صدر مملکت پاکستان ءِ صنعت ءُ کاروباری ادارگ آنی استیں جیڈھ آنی گیواری ءَ وتی کرد ءَ پیلو بکنت۔ صدر ءَ ڈل ءِ جیڈھ آنی گیواری ، سیادی داروکیں دمگ ءِ جیڈھ آناں گیواری ءِ ھاترا سرجمیں کمک ءِ دل یکیمی دات۔
