اسلام آباد۔1اگست (اے پی پی): مزن وزیر محمد شہباز شریف ءَ گوشتگ کہ ورنا آناں نوکیں زانشت ءُ ھیل کاری پجاری کنگ حکومت ءِ اولی کار انت، کامن ویلتھ آرٹیفیشل انٹیلی جنس کنسور شیم ءَ ھواری ءَ چہ پاکستان ءِ ورنا آناں ھیل کاری ءِ موہ پجاری بیت ءُ آ نوکیں میاں اوستمانی نوکیں شوہاز کتگیں چیز آں چہ سیت چست کت کنت۔ آئی ءَ اے گپ ءُ ھیالانی درشانی دولت مشترکہ ءِ سیکرٹری ل جنرل پیٹریشیا سکاٹ لینڈ ءِ سروکی ءَ 5 باسکی ڈل ءَ گوں تران کنان ءَ کت آئیءَ مزن وزیر گس ءَ آئی ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جڑی بوتگیں بیان ءِ رد ءَ مزن وزیر ءَ سیکرٹری جنرل سکاٹ لینڈ ءِ پاکستان ءِ اولی سرکاری تر ءُ تاب ءَ را وش اتک کت۔ پاکستان ءِ چاگردی ، اقتصادی ءُجمہوری ادارگ آنی واستہ دولت مشترکہ ءِ یک شلیں کمک ءَ را ساڑات ءُ مزن وزیر ءَ را یکجائی واھگ آنی ھوالگ ءَ ھاسیں ورنا آناں وت مستر جوڑ کنگ، گہتریں گورننس ءُ موسمی مٹ ءُ بدلی آنی ر د ءَ دولت مشترکہ ءِ گوما کمک آنی حکومت ءِ واھشت آنی درشان کت۔ مزن وزیر ءَ گوشت کہ 30 سال ءَ چہ کم امبر ءِ ورنا آناں پاکستان ءِ آباتی ءِ دو بھر انت ایشاناں نوکٰں وانگ ءُ زانگ ءُ کزبی ھیل کاری پجاری کنگ حکومت ءِ اولی ترجی آنی تہءَ ھوار انت۔ آئیءَ پرائم منسٹر یوتھ پروگرام ءِ نیم گءَ چہ چست کتگیں گامگیج آنی ھوالگ ءَ چمشانک دات ءُ استیں دور ءِ ہائی ٹیک میان اوستمانی معیشت ءَ تاں پاکستانی ورنا آنی رسائی ءُ اے شوبگ ءِ دیمروئی موہ آناں ودینگ ءِ واستہ دولت مشترکہ ءِ گوما یکجائی ءَ کار کنگ ءِ حکومت ءِ جزم ءِ درشان کت۔ سیکرٹری جنرل پیٹریشیا سکاٹ لیڈن ءَ پرائم منسٹر یوتھ پروگرام ءِ کار کرد ءَ را ساڑات ءُ گوشت کہ مزن وزیر ءِ سروکی ءَ اے پروگرام ءَ را یک شلیں نگرانی مزن وزیر ءِ زاتی واھگ ءُ ورنا آناں وت مستر جوڑ کنگ ءِ گامگیج آنی جزم ءِ درشان انت۔ سرکاری محکمہ آنی کار کرد ءَ را گیش گہتری جوڑ کنگ ءُ یک شلیں دیمروئی آنی واستہ پیٹر یشیا سکاٹ لینڈ ءِ کامن ویلتھ ءِ پرفارمنس مینجمنٹ سسٹم ءِ پیشوکی گوشت ۔ آئیءَ پاکستان ءِ کامن ویلتھ آرٹیفیشل انٹیلی جنس کنسورشیم ءَ ھواری ءِ ھم دعوت دات۔ مزن وزیر ءَ پاکستان ءِ سرکاری شوبگ ءَ گورننس ءُ ساپ ءُ سلہ ئی ءَ را گیش گہتر کنگ ءَ کامن ویلتھ پرفارمنس منیجمنٹ سسٹم ءِ چار ءُ تپاسی ءِ واھشت ءِ درشان کت۔ آئیءَ گوشت کہ پاکستان ءِ ورنا آناں ھیل کاری ءِموہ پجاری بیت ءُ آ کلاؤڈ کمپیوٹنگ وڑیں نوکیں میاں اوستمانی نوکیں چیز آں چہ سیت چست کت کناں ءُ پاکستان ءِ مھکمیں اقتصادی دیمروئیءَ وتی کرد ءَ را پیلو کنگ ءِ واستہ گیش وت مستر بنت۔ مزن وزیر شہبا ز شریف ءَ موسمی مٹ ءُ بدلی ءَ را پاکستان ءُکامن ویلتھ ءَ ڑا اولی نامینت۔ آئی ءَ گوشت کہ 2022 ءِ ٹوھیں سیلاپ ءَ چہ پد پاکستان ءِ واستہ سیکرٹری جنرل ءِ موسمی مٹ ءُ بدلی ءِ واستہ وکالت ءُ سرجمیں دگنیا ءَ سکی آنی آماچیں پاکستانی آنی گوانک ءَ را پجارینگ ءِ گامگیج ءَ را ساڑات۔ مزن وزیر ءَ گوشت کہ پاکستان باکو ءَ آیوکیں کوپ 29 ءِ موہ ءَ پاکستان وڑیں ملک ءَ را موسمی مٹ ءُ بدلی ءِ رند پد آنی بیم ءُ ھوپ دوچار کپتگ انت۔ گیش میاں اوستمانی کمک آناں برجا کنگ ءِ واستہ کامن ویلتھ ءِ گوما یکجائی ءَ کار کنگ لوٹ ائیت۔ سیکرٹری جنرل سکاٹ لینڈ ءَ سیلاپ ءَ چہ پد نوک جوڑیشت بوھگ ءِ واستہ حکومت ءِ کوشست آناں ساڑات ءُ امیت سہرا کت میاں برات پاکستان ءَ را موسمی مٹ ءُ بدلی ءِ رند پد آنی گیش ءُ گیواری ءِ واسہت گیش کمک پجاری بکنت۔ مزن وزیر ءَ سیکرٹری جنرل سکاٹ لینڈ ءَ را ترندی ءَ گوں مٹ بوھوکیں جاور آنی تہ ءَ دولت مشترکیہ ءِ کار ءَ را کامیاتی ءَ گوں چلائینگ ءِ پد ءَ مبارک بات دات۔ مزن وزیر ءَ آئی ءِ پاکستنا ءَ کامیاتی ءُ آسری وڑیشت ءِ واستہ نیکیں واھشت آنی درشان کت۔ چیئرمین پی ایم یوتھ پروگرام رانا مشہود ءُ ھاسیں کمکار سید طارق فاطمی ھم ساڑی ات۔
