اسلام آباد۔1اگست (اے پی پی):نائب مزن وزیر ءُ وزیر ءِ درئی کار سینیٹر محمد اسحاق ڈار ءَ سئے شمبے ءِ رو چ ءَ تہران ءِ تر ءُ تاب کت ءُ ایران ءِ نوک گچین بوتگیں صدر ڈاکٹر مسعود پیز شکیان ءِ سوگند ی دیوان ءَ پاکستان ءِ سروکی کت۔ درئی کارانی کارگس ءِ ترجمان زہرہ بلوچ ءَ پنچ شمبے ءِ روچ ءَ پریس کانفرنس ءَ گوں بریفنگ دیان ءَ گوشتگ کہ نائب مزن وزیر ءَ تہران ءِ تر ءُ تاب ءِ ساھت ءَ ایران ءِ نوکیں صدر ءَ را پاکستان ءِ الس ءُ حکومت ءِ نیمگ ءَ چہ اگدہ زورگ ءِ پد ءَ مبارک بات داتگ ءُ نیکیں واھشت آنی کلوہ پجاری کت۔ ترجمان ءَ گوشت کہ محمد اسحاق ڈار ءَ ایران ءِ نوکیں سیاسی انتظامیہ ءَ را سروکی ءَ را کامیات ءُ یک شلی ءَ شفٹ کنگ ءِ پد ءَ ایرانی راج ءَ را مبارک بات دات۔ ترجمان ءَ گوشت کہ نائب مزن وزیر ءَ نوکیں ایرانی انتظامیہ ءُ اسلامی جمہوریہ ایران ءِ گوما یکوئی آناں گیش برجم کنگ ءِ واستہ پاکستان ءِ جزم ءِ درشان کت ءُ یکوئی ءِ ھم درشان کت۔ ترجمان ءَ گوشت کہ ڈاکٹر پیز شکیان ءَ وتی کلوہ ءَ گوشت کہ ھمساھگیں ملک بوھگ ءِ بستار ءَ ایران پاکستان ءِ گوما جوانیں یکوئی برجا کنگ ءِ واستہ جزمیگ انت۔
