کوئٹہ۔ 01 اگست (اے پی پی) بلوچستان امن جرگہ نا سروک لالہ یوسف خلجی ایران اٹی حماس نا راہشون اسماعیل ہنیہ نا اسرائیلی جلہو اٹی شہیدی نا مذمت ءِ کرسا پارینے کہ اسماعیل ہنیہ نا شہیدی آن عالم اسلام فلسطین و عالم اسلام کن اسہ تواناتواراسے آن محروم مس، داسہ داہروئی ءِ کہ ایران اسماعیل ہنیہ نا شہیدی نا اسرائیل آن ہراوڑ بدلہ ہلیک۔داڑے جاری مروک اسہ بیان اسے ٹی لالہ یوسف خلجی تہران اٹی حماس نا راہشون اسماعیل ہنیہ نا اسرائیلی جلہو اٹی شہیدی آ غم و غصہ نا درشانی ءِ کرسا پارینے کہ اسرائیل فلسطین اٹی کودک فلسطینی تا نسل کشی ءِ کننگ اٹی ءِ ولے جہانی برادری نا چُپی و آشیرباد نا سوب آن اسرائیل جہانی دہشت گرد جوڑ مسنے، اگہ جہانی برادری مظلوم فلسطینی تتون تفیکہ تو اینو تہران اٹی اسماعیل ہنیہ شہید متوکہ ولے اسرائیل پک کرے کہ او فلسطینی الس نا ڈغار آ غاصبانہ کوزہ کرسا مظلوم فلسطینی تا نسل کشی ٹی اوار ءِ۔ اوپارے کہ اسماعیل ہنیہ نا شہیدی آن عالم اسلام فلسطین و عالم اسلام کن اسہ توانا توار اسے آن محروم مس، بلوچستان امن جرگہ مظلوم فلسطینی تا ڈکھیائی ٹی بریبر نا شریک ءِ۔ اوپارے کہ اسماعیل ہنیہ ایران نا صدر نا سوغندی دود اٹی بشخ ہلنگ کن بطورمہمان خاص بسوسس داسہ ہروئی ءِ کہ ایران اسماعیل ہنیہ نا شہیدی نا بدلہ ءِ اسرائیل آن ہراوڑہلیک انتئے کہ اسرائیل جہانی کانود آتے لتاڑسا ایران نا مہمان ءِ شست کرینے۔
