اسلام آباد۔ 01 اگست (اے پی پی) اسپیکر قومی اسمبلی سردار ایاز صادق بلوچستان، خیبرپختونخوا و آزاد کشمیر تون اوار ملک انا ایلو علاقہ غاتیٹی ساڑی آ پِر تیان مروک آ جانی ومالی نسخان آ است ہسونی نا درشانی ءِ کرینے۔ پنچ شنبے نادے آ تینا بیان اٹی اوپِر و لینڈ سلائیڈنگ آن زوال کروک آ بندغ آتا خاہوت آتون ہڑزخواہی و یکجہتی نا درشانی ءِ کرسا پارے کہ غم و ڈکھیائی نا مشکل ساہت اٹی پدسلوک خاہوت آتا غم و ڈکھیائی ٹی بریبر نا شریک اُٹ۔ اسپیکر قومی اسمبلی تعلقدار ادارہ غاتے پِر ولینڈ سلائیڈنگ آن زہمی بندغ آتے ریسکیو کننگ کن غٹ تر وسیلہ غاتے کاریم اٹ اتنگ نا پارت کرے و پارے کہ بشام نا پِر تیٹی ہندی بندغ ریسکیو و بحالی نا کاریم تیٹی زیات آن زیات بشخ ہلیر۔ اسپیکر اللہ تعالیٰ آن پِر تیان زوال کروک آ بندغ آتا درجہ غاتا بڑزی و پدسلوک آخاہوت آتیکن صبر وجمیل نا دعاکرے۔
