اسلام آباد۔ 01 اگست (اے پی پی) بنجائی وزیر ڈٹ بندی شونداری و اصلاحات پروفیسر احسن اقبال پارینے کہ پی ٹی آئی نا طرز سیاست نا اسہ جمہوریت اسے ٹی ہم موکل تننگ مفک، او تینا طرز عمل ءِ بدل کے و قوم و ادارہ غاتیان معافی خوائے۔ داہیت ءِ او وائس آف امریکہ ءِ انٹرویو ٹی پارے۔ اوپارے کہ پی ٹی آئی پاکستانی ریاست نا فائدہ غاتیابراہ راست جلہو گیر ءِ، فوج دوٹوک پارینے کہ او سیاست آن جتا رہینگ انگ خواہک، پی ٹی آئی نا طرزءِ سیاست نا اسہ جمہوریت اسے ٹی ہم موکل تننگ مفک، پی ٹی آئی تینا طرز عمل ءِ بدل کے و قوم و ادارہ غاتیان معافی خوائے۔ عمران خان نا طرز سیاست تضاد آتیان پُر ءِ، احسن اقبال پارے کہ حکومت ہچ ءُ غیرجمہوری گام اس ہرفپک۔ اوپارے کہ چینی حکومت نا پاننگ ءِ کہ چینی باتی تیا ساڑی آجلہو اٹی پاک چین کمکاری زہمی مفک، پاکستان نا زمواری ءِ کہ او چینی باتی تا رکھ ءِ پک کے۔ اوپارے کہ امریکہ و چین اتون تعلقداری ٹی توازن تخنگ مشکل مفک۔
