اسلام آباد۔ 01 اگست (اے پی پی) وزیراعظم یوتھ پروگرام نا چیئرمین رانا مشہود احمد خان پارینے کہ مچ آملک انا یونیورسٹی تیٹی گرین یوتھ کلب جوڑ کرسا ورناتا کمک اٹ موسمیاتی بدلی نا بابت آگاہی ودی کننگک، ورناتے واکدار کننگ کن وزیراعظم یوتھ لون اسکیم تون اوار چندی گام گیج آتے کننگانے۔ داخیال آتا درشانی ءِ او پنچ شنبے نادے آ ایس ڈی پی آئی نا کنڈآن چاگڑدی بدلی و ورناتا راجی معاشرہ ٹی کڑد انا سرحال آ سیمینار آن تران کرسا کرے۔ اوپارے کہ موسمیاتی بدلی تتون مون تننگ کن وزیراعظم یوتھ پروگرام نا رداٹ گرین یوتھ موومنٹ پروگرام نا بناءِ کننگانے۔ مچ آملک انا137 یونیورسٹی تیٹی گرین یوتھ کلب جوڑ کننگانے۔ غٹ 268 یونیورسٹی تیٹی گرین یوتھ کلب جوڑ کننگک۔ داکان بیدس کالج و اسکول آتیٹی ہم یئِےگرین کلب جوڑ کننگک۔ اوپارےکہ داسہ وخت بسنے کہ مچ آ پاکستان بایدے بش مرے۔ نن تینا ورناو ہندی آبادی تیٹی موسمیاتی بدلی نا بابت آگاہی ودی کننگ اُن۔ اوپارے کہ ورناک دامہم نا بشخ ءُ۔ نن ہندی منشاکار کور ٹہفینگ اُن۔ 2000 ورناتے ڈیزاسٹر رسک مینجمنٹ نا تربیت تننگک۔ اوپارے کہ پاکستان اٹی نوکاپ و زمی جمب بسنے۔ گرین یوتھ موومنٹ نا رداٹ بھلو کچ اسے آ مہم نا بناءِ کننگ اُن۔ قومی منشاکار کور انا لوگو نا رونمائی دولت مشترکہ نا سیکرٹری جنرل کیک۔ دولت مشترکہ نا ٹیم ننتون پبی تفنگ اٹیءِ۔ اوپارے کہ ورناتے وزیراعظم یوتھ پروگرام نا پروگرام تیان فائدہ ہرفنگ کن وزیراعظم یوتھ پروگرام نا پورٹل آن بایدے فائدہ ہرفر۔ ننے تینا ورناتیا پت ءِ ۔ اوفتے بریبر وارخواہی تننگ اُن۔ اوفتے واکدار کننگ کن وزیراعظم یوتھ لون اسکیم تون اوار چندی گام گیج کننگا۔ سیمینار آن دولت مشترکہ نا سیکرٹری جنرل پیٹریشیاسکاٹ لینڈ و وزیراعظم نا رابطہ کار موسمیاتی بدلی رومینہ خورشید عالم ئسک ہم تران کریر۔
