اسلام آباد۔31جولائی (اے پی پی): بنجاھی وزیر ھزانگ ءُ گہتری کار محمد اورنگزیب ءَ گلگت بلتستان انتظامیہ ءُ مالیاتی فریم ورک ءِ ھوالگ ءَ گہتری کار آناں ارزشتی نامینان ءَ گوشت کہ ایشی ءَ چہ ناں ایوک ءَ ھندی آباتی ءَ را سیت رسیت بلکینگ ءَ دمگ ءَ سیل ءُ سواد ءَ را دیمروئی رسیت۔ آئی ءَ اے گپ چار شمبے ءِ روچ ءَ گلگت بلتستان ءِ جیڈھ آنی ھوالگ ءَ کمیٹی ءِ دیوان ءَ سروکی ءَ کنان ءَ کت۔ دیوان ءَ بنجاھی وزیر کشمیر ءِ کار ءُ گلگت بلتستان انجینئر امیر مقام ، گلگت بلتستان ءِ وزیر ھزانگ محمد اسماعیل ، وزیر ءِ کشت ءُ کشار محمد انوار، پیسریگیں سر وزیر حافظ حفیظ الرحمن، چیف سیکرٹری گلگت بلتستان ، ممبر واپڈاس ءُ سیادی داروکیں وزارت آنی اپسرگ آں بھر زوری کت۔ چیف سیکرٹری گلگت بلتستان ءَ گلگت بلتستان حکومت ءِ جیڈھ آنی ھوالگ ءَ سرجمیں بریفنگ دات۔ آئی ءَ پی ایس ڈی پی ءِ منصوبگ آنیواستہ کم فنڈ گیشینگ وڑیں جیڈھ آنی بابت ءَ سرپدی دات ایشی ءِ سبب ءَ مزور ءُ ایندگر شوبگ آنی وام گیش بوھگ ءَ انت۔ چیف سیکرٹری ءَ دمگ ءَ ھاٹیگ ءِگیش بوھوکیں ضلورت آنی گوما گر ءُ چیل بوھگ ءِ منصوبگ آنی وکالت کت۔ ایشی ءَ ابید آئیءَ دمگ ءَ زمین آنی ریکاٹ ءَ را ڈیجیٹلائزیشن ءُ پڑ ءَ سیلءُ سواد ءِ دیمروئی ءِ واستہ ائیر پورٹس آناں گیش دیمروئی دیگ ءِ بابت ءَ شور ءُ مشور پیش کت۔ آءیءَ گوشت کہ اے شور ءُ مشور آنی پد ءُ رند ءَ چ ہ پڑ ءَ بنیاتی کوکا ءَ را نوکیں زمانگ ءِ لوٹ آنی بنیات ءَ آرگ ءَ کمک رسیت۔ ایشی ءَ ابید سیل ءُ سواد ءِ پڑ ءَ گیش بوھوکیں اقتصادی دیمروئی آنان گیشی رسیت۔ وزیر ءِ ھزانگ ءَ اے شور ءُ مشور آناں ساڑات ءُ گوشت کہ پڑ ءَ انتظامی ءُ مالی فریم ورک آنی بابت ءَ شور ءُمشور آنی پد ءُ رند ءَ چہ ناں ایوک ءَ پڑ ءِ الس آناں سیت رسیت بلکینگ ءَ ایشی ءَ چہ دمگ ءَسیلءُ سواد ءَ را دیمروئی رسیت۔ آئی ءَ گلگت بلتستان حکومت ءِ جیڈھ آناں من ات ءُ ھواریں اقتصادی دیمروئیءِ واستہ گلگت بلتستان حکومت ءَ را ھمک رنگیں کمک پجاری کنگ ءِ دل یکیمی دات۔
